سامپاولی پێكهاته‌ی سه‌ره‌تایی ئارجێنتینی بۆ مۆندیال راگه‌یاند

خۆرخی سامپاولی راهێنه‌ری هه‌ڵبژارده‌ی ئارجێنتینا بۆ مۆندیالی 2018ـی رووسیا لیستێكی سه‌ره‌تایی 35 یاریزانی بڵاو كرده‌وه‌ و بانگهێشتی ماورۆ ئیكاردی هێرشبه‌ری ئینته‌ر میلانی كردووه‌.

سامپاولی راهێنه‌ری تانگۆ دووشه‌ممه‌ی داهاتوو به‌ فه‌رمی له‌ نێوان ئه‌م 35 یاریزانه‌ 23 یاریزان هه‌ڵده‌بژێرێت و ناسنامه‌یان ئاشكرا ده‌كات و لیسته‌كه‌ی له‌ فیفا تۆمار ده‌كات.

سامپاولی له‌ هێڵی پێشه‌وه‌ پانگهێشتی 7 هێرشبه‌ری كردووه‌ كه‌ پێكهاتوون له‌ (دیبالا، هیگواین، مێسی، ئه‌گوێرۆ)، له‌ نێوان دیێگۆ پێرۆتی، لاوتارۆ مارتێنێز و ماورۆ ئیكاردی یه‌كێكیان هه‌ڵده‌بژێرێت.

ئارجێنتین له‌ مۆندیالی 2018ـی رووسیا كه‌وتۆته‌ كۆمه‌ڵه‌ی چواره‌م و شانبه‌شانی هه‌ڵبژارده‌كانی ئایسله‌ندا، كرواتیا و نێجیریا یاری ده‌كات.