بوومەلەرزەیەك سلێمانی ھەژاند

K24 - سلێمانی

بەرەبەیانی ئەمڕۆ بوومەلەرزەیەك سلێمانی ھەژاند و دانیشتووانی شارەكە ھەستیان پێكردووە.

بەڕێوەبەرایەتی كەشناسی و بوومەلەرزەزانی ھەرێمی كوردستان رایگەیاند: "بەرەبەیانی ئەمڕۆ 9/6/2018، بوومەلەرزەیەك بە دووری 18كم و بە گوڕی 3.1 پلەی رێختەر بە قوڵایی 10كم مەتر سلێمانی ھەژاند و ھەستیپێكراوە".

كەشناسی ھەرێمی كوردستان ئاشكراشی كردووە، كە بوومەلەرزەكە ھیچ زیانی لێنەكەوتووەتەوە.

لە ساڵی رابردووەوە چەندین بوومەلەرزە ناوچەكانی كوردستانی گرتووەتەوە، بەپێی پێوەری رێختەریش بەھێزترین بوومەلەرزە لە 12/11/2017 بوو، كە وڵاتانی رۆژھەڵاتی ناوەڕاستی ھەژاند و لە رۆژهه‌ڵاتی كوردستان و هه‌رێمی كوردستان ژمارەیەك ھاووڵاتی بوونە قوربانی و ژمارەیەكی دیكەش بەھۆی روخانی خانووەكانیان ئاوارەبوون.