نیشانەکانی زۆری و کەمی خوێن و چۆنیەتی خۆپاراستن

K24 - هه‌ولێر:

بە گوێرەی زانیارییەکانی پێگەی ئەلیکترۆنی هێلسلاین، چەند جۆرێک خواردن کە بە ئاسن، مس(کۆپەر)، ترشی فۆلیک و ڤیتامین ئەی و بی 12 دەوڵەمەندن، دەبنە هۆی  زیادبوونی خرۆکە سوورەکانی خوێن. ئەو کەسانەی خوێنیان زۆرە دەبێت خۆیان لێ بەدوور بگرن و ئەوانەشی خوێنیان کەمە دەبێت ئەو خۆراکانە بخۆن.

گوشتی سوور

خواردنی ئۆرگانەکانی ئاژەڵ، وەک جگەر و گورچیلە.

هەندێک جۆری سەوزە وەک سپێناخ و کەیڵ(کەلەرمی گەڵا)

پاقلەمەنییەکان

هێلکە

ماسی

شیر و پەنیر

توو

پەتاتەی شیرین

نیشانەکانی خوێن زۆری:

سەرئێشە

بەرچاو تاریکبوون

خورانی لەش بەتایبەتی دوای خۆشۆردن بە ئاوی گەرم

ئارەقەکردن

سووربونی دەموچاو

بێ هێزی

گێژخواردن

لەدەستدانی کێش

هەناسەبڕکێ

هەستکردن بە سووتانەوەی دەست و پێ

ئازار لە جوومگەکان

نیشانەکانی کەم خوێنی:

هەندێک لە نیشانەکانی خوێن زۆری لەو کەسانەش بەدەردەکەون کە خوێنیان کەمە لەگەڵ ئەم نیشانانەی خوارەوە:

هەستکردن بە ماندووبونی زۆر

زەردهەڵگەڕانی دەموچاو

خێرالێدانی دڵ

تێبینی: کێشانی جگەرە یەکێکە لە هۆکارە سەرەکییەکانی زیادبوونی خوێن و کەم بوونەوەی رێژەی ئۆکسجین لە خوێندا.

H.J