پێشمەرگەیەك كۆتایی بەژیانی خۆی هێنا

K24- هه‌ولێر:

پاشنیوەڕۆی ئەمڕۆ 23ی7ی2018 ، لەقەزای چەمچەماڵ هاوڵاتییەكی تەمەن40ساڵ كە پیشەی پێشمەرگە بووە, كۆتایی بەژیانی خۆی هێنا.

وه‌ك پۆلیسی به‌ڕێوه‌به‌رایه‌تی پۆلیسی سلێمانی له‌ به‌یاننامه‌یه‌كدا ئاشكرایكرد، دوای گەیشتنی هێزەكانی پۆلیس و تیمەكانی فریاگوزاری هاوڵاتییەكە بەبرینداری ڕەوانەی نەخۆشخانە كرا, بەڵام بەهۆی سەختی برینەكەیەوە گیانی لەدەستدا.

بەپێی زانیارییەكانی پۆلیس و تیمەكانی بەڵگەوتاوان هاوڵاتی (ع،ج،ن) دانیشتوی قەزای چەمچەماڵه‌ و پێشمەرگە بووە و لەدایكبووی 1978 لەماڵەكەی خۆیدا بەفیشەك كۆتایی بەژیانی خۆی هێناوە.

له‌ به‌یاننامه‌كه‌ی به‌ڕێوه‌به‌رایه‌تی پۆلیسی سلێمانیدا هیچ ئاماژه‌یه‌ك به‌ هۆكاری خۆكوشتنی ئه‌و پێشمه‌رگه‌یه‌ نه‌كراوه‌ و ورده‌كاری زیاتر نه‌خراوه‌ته‌ڕوو.

H.B