تەقینەوەیەك لە كەركووك روویدا
ھاووڵاتییەك گیانی لەدەستدا
K24 - كەركووك
شەوی رابردوو تەیقنەوەیەك لە گەڕەكی واستی شاری كەركووك روویدا، بەوھۆیەوە ھاووڵاتییەك گیانی لە دەستدا و ژمارەیەكی دیكەش برینداربوون.
پەیامنێری كوردستان24 لە كەركووك رایگەیاند: "درەنگانی شەوی رابردوو تەقینەوەیەك لە رێی بۆمبێكی چێندراو، لە گەڕەكی واستی ناوەڕاستی شاری كەركووك روویدا".
لەبارەی زیانە گیانییەكان پۆلیسی كەركووك رایگەیاندووە، ھاووڵاتییەك گیانی لەدەستداوە و دووی دیكەش بریندار بوونە.
راشیگەیاند، تا ئێستا نازاندرێت ئەو بۆمبە لەلایەن كێ داندراوەتەوە و لێكۆڵینەوەكان بەردەوامن.
دوای 16 ئۆكتۆبەری 2017 بارودۆخی ئەمنی كەركووك ناسەقامگیری بەخۆیەوە بینیووە و چەندین جارە تەقینەوەی لە شارەكە و دەروروبەری روودەدەن و چەكدارانی داعشیش چەندین ھێرشیان لە ناوچەكە ئەنجامداوە.
ھ.م