پلەی گەرما دادەبەزێت

K24 - ھەولێر

بەپێی پێشبینیەكانی كەشناسی ئەمڕۆ پلەی گەرما لە ھەندێك ناوچەی كوردستان دادەبەزێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ 48 كاژمێری داھاتوو خستەڕوو، بە گوێرەی پێشبینیەكان، پلەی گەرما لە ھەولێر وەك دوێنێ دەبێت، بەڵام لە پارێزگاكانی دیكە دادەبەزێت، وەك كەشناسی پێشبینی كردووە، بەرزترین پلەی گەرما لە ھەولێر 40 و لە سلێمانی و دھۆك 38 و لە كەركووك 42 پلەی سیلیزی دەبێت.

كەشناسی پێشبینی دەكات، سبەی یەكشەممە پلەی گەرما لە ھەرێمی كوردستان بەرزببێتەوە، لە ھەولێر بەرزترین پلەی گەرما 41 و لە سلێمانی و دھۆك 39 و لە كەركووك 43 پلە دەبێت.