لە رووداوێكی ھاتووچۆدا دوو كەس گیانیان لەدەستدا

K24 - ھەڵەبجە

ئەڤین عەتا، پەیامنێری كوردستان24 لە ھەڵەبجە رایگەیاند: "شەوی رابردوو رووداوێكی ھاتووچۆ لەسەر رێگای گوندی ئەحمەدئاواـ ناحیەی خـــورماڵ، لە سنووری پارێزگای ھەڵەبجە، لەنێـــوان دوو ماتۆڕســـکیل روویـــدا، بەوھۆیەوە دوو كەس گیانیان لەدەستدا و دوو كەسی دیكەش برینداربوون"

رائیـــد بەرزان عوسمان، وتەبێــژی بەڕێوەبەرایەتی پۆلـــیسی پارێـــزگای هەڵەبجە ھەواڵی رواداوەكەی پشتڕاستكردەوە و گوتی: "ئەو رووداوە لەســـەر رێگای گـــوندی ئەحمەد ئاواـ ناحیــەی خورماڵ،  لەنێوان دوو ماتۆڕ سکیل روویداوە. لەئەنجامدا دوو گەنجی تەمەن 23 ساڵ و 25 ساڵ گیانیان لەدەستداوەو دووگەنجی دیكەش بریندار بوون".

وتەبێــژی بەڕێوەبەرایەتی پۆلـــیسی پارێـــزگای هەڵەبجە راشیگەیاند: "تەرمـی ئەو دوو گەنجە رەوانەی پزیشکی دادی کراون و لێکۆڵینەوە لە رووداوەکە دەستیپێکردووە".

ھ.م