سهرۆك بارزانى له ساڵيادى دامهزراندنى سۆسياليستدا ستايشى دڵسۆزى سكرتێرى حزب و پێشمهرگهكانى دهكات
وێنەیەکی روونی دڵسۆزی و نیشتیمانپەروەریی ئێوەیە و هەرگیز لەبیر ناکرێت
K24 – ههولێر:
سهرۆك مهسعود بارزانى، به بۆنهى ساڵيادى دامهزراندنى حزبى سۆسياليستى ديموكراتى كوردستانهوه پهيامێكى پيرۆزبايى ئاراستهى سكرتێرى ئهو حزبه، محهممهدى حاجى مهحموود و مهكتهبى سياسى سۆسياليست كرد.
له پهيامهكهى سهرۆكدا هاتووه: "حزبی سۆسیالیستی دیموكراتی كوردستان لە ڕۆژی دامەزراندنییەوە تا ئەمڕۆ رۆڵێکی گرینگ و کاریگەری لە خەباتی رزگاریخوازی گەلەکەماندا گێڕاوە و بەشێکی گرینگی بزاڤی کواردایەتییە و لەو پێناوەدا ژمارەیەکی زۆر شەهیدی پێشکەش بە خاک و گەلی کوردستان کردووە".
ههروهها هاتووه: "رۆڵی جوامێرانە و ئازایانەی بەڕێز سکرتێری حزب و سەرکردایەتی و پێشمەرگەکانی سۆسیالیست لە شەڕی تێکشکاندنی ئەفسانەی داعشدا، وێنەیەکی روونی دڵسۆزی و نیشتیمانپەروەریی ئێوەیە و هەرگیز لەبیر ناکرێت ".
دهقى پهيامهكه:
پیرۆزبایی سەرۆك بارزانی بەبۆنەی ساڵیادی دامەزراندنی حزبی سۆسیالیستی دیموكراتی كوردستان
برای بەڕێزمان كاك محەمەد حاجی مەحمود
بەڕێز مەكتەبی سیاسی حزبی سۆسیالیستی دیموكراتی كوردستان
بەبۆنەی ٤٢هەمین ساڵیادی دامەزراندنی حزبە تێكۆشەرەكەتانەوە گەرمترین و جوانترین پیرۆزبایتان ئاراستە دەکەم، لە رێگەی ئێوەی بەڕێزیشەوە سڵاو و پیرۆزبایی بۆ سەرجەم ئەندام و لایەنگرانی حزبە تێكۆشەرەكەتان دەنێرم.
حزبی سۆسیالیستی دیموكراتی كوردستان لە ڕۆژی دامەزراندنییەوە تا ئەمڕۆ ڕۆڵێکی گرینگ و کاریگەری لە خەباتی ڕزگاریخوازی گەلەکەماندا گێڕاوە و بەشێکی گرینگی بزاڤی کواردایەتییە و لەو پێناوەدا ژمارەیەکی زۆر شەهیدی پێشکەش بە خاک و گەلی کوردستان کردووە. ڕۆڵی جوامێرانە و ئازایانەی بەڕێز سکرتێری حزب و سەرکردایەتی و پێشمەرگەکانی سۆسیالیست لە شەڕی تێکشکاندنی ئەفسانەی داعشدا، وێنەیەکی ڕوونی دڵسۆزی و نیشتیمانپەروەریی ئێوەیە و هەرگیز لەبیر ناکرێت.
یادی دامەزراندنی حزبە تێکۆشەرەکەتان پیرۆز بێت و هیوادارم كاروانی خەباتی ئایندەتان، شانبەشانی سەرجەم هێزە رزگاریخوازەكانی گەلی كوردستان بەردەوام بێت و سەرکەتوو بن.
لەگەڵ ڕێزمدا
مەسعود بارزانی
8ـی8ـی2018