پێنج خواردن یارمەتی هەرسکردن دەدەن

K24 – هه‌ولێر:

هەرسکردنی خواردن یەکێکە لە کردارە زۆر گرنگە و هەستیارەکانی رۆژانە کە بەرپرسیارە لە هەڵمژینی خواردنی هەرسکراو و دەرکردنی پاشەڕۆ، بە چەند خواردنێک دەتوانیت چالاکتری بکەیت.

خەڵکێکی زۆر بەدەست نارێکی کۆ ئەندامی هەرس دەناڵێنن و دووچاری کێشەکانی غازات، ئازاری ناوسک، سکچوون و قەبزبوون دەبنەوە.

دیارترین نەخۆشییەکانی کۆئەندامی هەرس کە زۆر باون بریتین لە نارێکی ریخۆڵەکان(ئای بی ئێس(کۆڵۆن))، ترشەلۆکی گەدە، دڵە کزە و نەخۆشی ریخۆڵەکان.

پێگەی ئەلیکترۆنی هێلسلاین بەسوود وەرگرتن لە چەند توێژینەوەیەک چەند خواردنێک دیاریدەکات کە یارمەتی زۆری پڕۆسەی هەرسکردنی خواردن دەدەن.

ماست

یارمەتی زۆری کرداری هەرسدەدات و کێشەی سکچوون، قەبزبوون وغازات کەمدەکاتەوە، بەڵام دەبێت دڵنیابیت لە کوالیتی ماستەکە.

سێو

بە بەکتریای سوودبەخش دەوڵەمەندە و یارمەتی ریخۆڵە باریکە دەدات چالاکتر کارەکانی بکات.

چەوەندەر

سوودی زۆری بۆ کۆڵۆن هەیە و پڕۆسەی فڕێدانی پاشەڕۆ چالاک دەکات، ئەمەش لەبەرئەوەی بڕێکی زۆری لە فایبەر تێدایە.

جینجەر(زەنجەفیل)

یارمەتی کرداری هەرس بە شێوەیەکی گشتی دەدات و هەندێک لە خانمان لە کاتی دووگیانی دەتوانن بەکاریبهێنن تاکو دووربن لە هەستی رشانەوە.

هەروەها ئەو سەوزانەی رەنگی گەڵاکەیان تۆخە، بە شێوەیەکی گشتی سوودی زۆریان بۆ کرداری هەرس هەیە.

H.J