سهرۆك بارزانی: مهككهین له بیرهوهریماندا دهمێنێتهوه
سهرۆك بارزانی بهبۆنهی كۆچی دوایی دۆستهكهی كورد پرسهنامهیهك بڵاودهكاتهوه
K24 - ههولێر:
سهرۆك مهسعود بارزانی، بهبۆنهی كۆچی دوایی جۆن مهككهین، گهوره سیناتۆری ئهمهریكا و دۆستی گهلی كورد، پهیامێكی سهرهخۆشی له تویتهرهكهی خۆیهوه بڵاوكردهوه.
سهرۆك بارزانی له تویتهكهیدا، دهڵێت: "به خهمبارییهكی زۆرهوه ههواڵی كۆچی دوایی سیناتۆر جۆن مهككهینمان پێگهیشت، له بهرامبهر پشتیوانی و دۆستایهتییهكهی بۆ گهلی كورد، له بیرهوهری ئێمهدا دهمێنێتهوه".
Deeply saddened to know of the death of Senator John McCain whose support for, and friendship with, the people of Kurdistan shall remain in our memory, May he rest in eternal peace.
— Masoud Barzani (@masoud_barzani) August 26, 2018
مهككهين و كورد
جۆن مهككهين يهكێك بووه له پشتيوانه سهرهكييهكانى دۆزى كورد له كۆنگرێسى ئهمهريكا و بهردهوام له رێى پهيام و لێدوان و سهردانهكانييهوه پشتيوانى بۆ پرسى كورد له عێراق و سووريا دهربڕيوه.
مهككهين چهندين جار سهردانى ههرێمى كوردستانى كردووه و لهگهڵ سهرۆك مهسعود بارزانى و بهرپرسانى ديكهى ههرێمى كوردستان كۆبووهتهوه.
له سهروبهندى خيانهى 16ى ئۆكتۆبهردا و له كۆنگرێسهوه، مهككهین دهنگى پشتيوانى بۆ ههرێمى كوردستان ههڵبڕى و هۆشدارى دايه حكوومهتى عێراق و حهيدهر عهبادى له بهكارهێنانى چهكى ئهمهريكى له دژى كورد.
مهككهين بۆ رۆژئاواى كوردستانيش، يهكێك بووه له پشتيوانانى هێزه كوردييهكان و داوای دهكرد، ئهمهريكا كورد له عێراق و سووريا پڕ چهك بكات بۆ ئهوهى كورد بتوانێت بهرهنگارى داعش ببێتهوه.
ههڵوێستهكانى له بارهى كوردهوه:
له 10ى ئايار/ مايۆى 2011
جۆن مهككهين، كه پاڵێوراوى پارێزگارهكان بوو، سهردانى شارى ههولێرى كرد و دواى كۆبوونهوهى لهگهڵ سهرۆك بارزانى، داوايكرد، پهله بكرێت له پێكهێنانى كابينهى نوێى حكومهتى عێراق و ئهوهشى گووت: بارزانى رۆڵێكى سهرهكى ههيه له ههموو ئهو لێكتێگهيشتنانهى له عێراقدا دێنه ئاراوه.
له 10ى ئاب/ ئۆگستۆسى 2014
جۆن مهككهين رهخنهى له سياسهتى ئۆباما گرت سهبارهت به داعش و رايگهياند، بۆردومانى ئهمهريكا بۆ سهر داعش كاريگهرييهكى ئهوتۆى نييه و پێويسته كورد له عێراق و سووريا پڕ چهك بكرێن.
مهككهين قسهى بۆ كهناڵى سى ئێن ئێنى ئهمهريكا كرد و گوتى: پێويسته چهك و تهقهمهنى سهربازى به پهله رهوانهى ههولێر بكهين و پشتگيرى هێزى پێشمهرگه بكهين بۆ ئهوهى بتوانێت بهرهنگارى داعش ببێتهوه.
له 27ى كانوونى يهكهم/ ديسێمبهرى 2014
له لێدوانێكدا بۆ كهناڵى ئهلحوڕهى ئهمهريكى مهككهين رايگهياند، پێويسته ههولێر و بهغدا ههماههنگيان زياتر بكهن بۆ بهرهنگاربوونهوهى داعش.
له 28ى كانوونى يهكهم/ ديسێمبهرى 2014
مهككهين رايگهياند، هێزى پێشمهرگه له سوپاى عێراق به تواناتره و سوپاى عێراق له ئاستى پێويستدا نييه.
جۆن مەككهین- سەرۆك بارزانی
مهككهين يهكێك بوو له پشتيوانانى ههرێمى كوردستان له سهروبهندى رووداوهكانى خيانهتى شازدهى ئۆكتۆبهردا و داواى راگرتنى پهلامارهكانى عێراق و پاراستنى ههرێمى كوردستانى دهكرد.
له 29ى تشرينى يهكهم/ ئۆكتۆبهرى 2016
مهككهين رهخنهى توندى له بۆردومانى فڕۆكهكانى توركيا بۆ سهر ههرێمى كوردستان و رۆژئاواى كوردستان گرت و رايگهياند، كورد له شهڕى دژ به داعش هاوپهيمانێكى بههێزى ئهمهريكان و ئهو بۆردومانانه سهقامگيرى ناوچهكه دهشێوێنن.
له 15ى كانوونى دووهم/ يهنايرى 2017
مهككهين داوايكرد، ئهمهريكا راستهوخۆ هێزى پێشمهرگه له ههرێمى كوردستان پڕ چهك بكات به بێ ئهوهى بگهڕێتهوه بۆ بهغدا و رهزامهندى له بهغدا وهربگرێت.
له 23ى شوبات/ فێبرايهرى 2017
مهككهين سهردانى رۆژئاواى كوردستانى كرد و پشتيوانى بۆ تێكۆشانى هێزه كوردييهكان دژ به داعش دووپاتكردهوه.
له 16ى تشرينى يهكهم/ ئۆكتۆبهرى 2017
هاوكات لهگهڵ لهشكركێشى سوپا و حهشدى شهعبى بهرهو ناوچه كوردستانييهكان و كهركووك، جۆن مهككهين هۆشدارى دايه عهبادى و حكوومهتى عێراق و رايگهياند، بهكارهێنانى چهكى ئهمهريكايى له دژى كورد ئهنجامى كارهساتبارى دهبێت بۆتان و باشتره لهو پهيامهمان به باشى تێبگهن.
له 27ى تشرينى يهكهم/ ئۆكتۆبهرى 2017
دواى رووداوهكانى شازدهى ئۆكتۆبهر و داگيركرانى بهشێكى خاكى كوردستان له لايهن سوپا و حهشدهوه، مهككهين داواى له ئيدارهى ترهمپ كرد ستراتيژێكى نوێ دابڕێژێت و پشتيوانى بههێز له كورد بكات و رێگرى له بڵاوبوونهوهى ههژموونى ئێران له رۆژههڵاتى ناوهڕاست به تايبهتى له عێراق و سووريا بكات. راشيگهياند، ئهو چهكهى ئهمهريكا داويهتى به عێراق بۆ شهڕكردنه دژى داعش نهك بهكارهێنانى له دژى كورد.
نەخۆشكەوتنی مەككهین
له 31ى تشرينى يهكهم/ ئۆكتۆبهرى 2017
مهككهين رايگهياند، بارزانى پياوى دهوڵهته و كورد دۆستى راستهقينهى واشنتنن.
مهككهين ستايشى رۆڵ و رێڕهوى ژيانى سياسى سهرۆك بارزانى كرد و رايگهياند، بڕيارهكهى بارزانى بۆ درێژنهكردنهوهى ويلايهتى سهرۆكايهتييهكهى، بڕيارێكى ئازايانهيه و بڕيارى پياوێكه كه رێڕهوى ژيانى پڕ له تێكۆشانه له پێناو مافى نهتهوهكهى.
گوتيشى: بارزانى كهسايهتييهكى بوێرى دهوڵهته و تهمهنى له پێناو ئامانجى نهتهوهكهى تهرخانكردووه.
هيواشى خواست، ههرێمى كوردستان له دوژمنكارىی دهرودراوسێكانى پارێزراو بێت.
له 8ى تشرينى دووهم/ نۆڤێمبهرى 2017
له وتهيهكدا كه لهبهردهم كۆنگرێس پێشكهشيكرد، مهككهين پشتيوانى له كورد و ههرێمى كوردستان كرد و رايگهياند، ئێران له رێى فهيلهقى قودسى سهر به قاسم سولهيمانييهوه دهيهوێت ناكۆكى له نێوان كورد و بهغدا درووست بكات و ههڵبژاردنى داهاتووى عێراق بكاته دهرفهتێك بۆ بههێزكردنى ههژموونى خۆى.
مهككهين سهبارهت به بێدهنگى ئيدارهى ترهمپ له ئاست رووداوهكانى 16ی ئۆكتۆبهر رهخنهى لهو ئيدارهيه گرت و گوتى: ناڕوونى سياسهتى ترهمپ له عێراق و سووريا رێى خۆشكردووه بۆ پڕكردنهوهى بۆشاييهكه له لايهن ميليشيا ئێرانييهكانهوه.
مهككين له 1936 لهدايكبووه و دوای نزیكەی ساڵێك تووشبوونی بە نەخۆشی شێرپەنجە لە 26/8/2018 كۆچی دواییكرد.