ژنە میدیاکارێك دەیەوێت ببێتە گوتەبێژی حکوومەت
سیڤی پێشكەش بە سەرۆكوەزیران كردووە
K24 - ھەولێر
ژنە میدیاكارێكی عێراقی سیڤی خۆی پێشكەش بە سەرۆكوەزیری راسپێردراو كرد، تاكو وەك گوتەبێژی حكوومەت دابمەزرێت.
دالیا عەقیدی، كە ماوەی 30 ساڵ زیاترە لە كاری میدیایی ناوخۆیی و دەرەوەدا كاریكردووە، یەكەم كەسە سیڤی خۆی پێشكەش بە عادل عەبدولمەھدی سەرۆكوەزیرانی راسپێردراو بۆ پێكھێنانی حكوومەتی نوێی عێراق كرد.
دالیا، كە تەمەنی 50 ساڵە، لە رێگەی تویتەرەوە داواكارییەكەی پێشكەشكردووە و دەڵێت، سەربە ھیچ حزبێك نییە.
پێشتر، عەبدولمەھدی، رایگەیاندووە، ھەركەسێك توانا و لێهاتوويى لە خۆیدا دهبينێت بۆ ئهوهى پۆستێك لە حكوومەت وەربگرێت، دەتوانێت بەشێوەی ئەلكترۆنی سيڤى خۆی پێشكهش بكات.
