ژماره‌یه‌ك راوچی ده‌ستگیركران

K24 - گه‌رمیان:

شه‌وی رابردوو، له‌ بازگه‌ی مه‌یدان، ژماره‌یه‌ك راوچی ده‌ستگیركران و ده‌ستیش به‌سه‌ر كه‌لوپه‌له‌كانی راودا گیرا.

به‌ گوێره‌ی زانیارییه‌كانی هه‌رێم جاف، په‌یامنێری كوردستان 24 له‌ گه‌رمیان، راوچییه‌ ده‌ستگیركراوه‌كان (8 سووسكه‌ و كه‌روێشكێكیان) راوكردبوو، دواى ده‌ستگیركردنیشیان راده‌ستی پۆلیسی دارستان كراون.

له‌ رووداوێكی هاوشێوه‌شدا، دوێنێ له‌ سنووری شاخی شه‌واڵدره‌ی سه‌ر به‌ گوندی ناوماچك له‌ ناحیه‌ی مه‌یدان، ژماره‌یه‌ك راوچی بزنێك و دوو كاری كێویان راوكردووه‌ و به‌ هه‌مان شێوه‌ ده‌ستگیكراون.

به‌ گوێره‌ی زانیارییه‌كانی په‌یامنێری كوردستان 24، ئێستا راده‌ستی پۆلیس و لایه‌نه‌ په‌یوه‌ندیداره‌كان كراون، بۆ ئه‌وه‌ی رێكاری یاساییان له‌ به‌رامبه‌ردا بگیرێته‌به‌ر و دادگایی بكرێن.

ئ. م