پەکەکە کوژرانی چەند سەربازێکی تورکیای لە باشووری کوردستان راگەیاند
"چەند چالاکییەکیان لە ناوچەی سیدەکان ئەنجام داوە"
پەكەكە كوژرانی 11 سەربازی توركیای لەناوچە سنوورییەكانی باشووری كوردستان راگەیاند.
بەگوێرەی راگەیەندراوێکى هەپەگە، كە باڵی سەربازی پارتی كرێكارانی كوردستان، پەكەكەیە، لەماوەی دوو رۆژی رابردوودا، گەریلاكانی پەكەكە لە چەند چالاكییەكدا لە ناوچەی سیدەکانی باشوری کوردستان و چەند ناوچەیەكی دیكە، 11 سەربازی توركیایان كوشتووە.
لای خۆیەوە، سوپای تورکیا هەواڵەکەی پشت راست یان رەت نەکردووەتەوە.
جەنگی سوپای تورکیا و پەکەکە سنووری باکووری کوردستانی بەرەو باشوور بڕیوە، ئەمەش دوای ئەوەی هات، ئەردۆغانی سەرۆککۆماری تورکیا رایگەیاند، ئەوان پەکەکە لە قەندیل دەردەکەن و "سنوورەکانیان دەپارێزن".