وهزیری دهرهوهی ئهمهریكا له بهغدایه
سهردانی بهغدا له بهرنامهی كاری پۆمپیۆ دا نهبووه
K24 - ههولێر:
سهرلهبهیانی ئهمڕۆ چوارشهممه 9/1/2019 مایك پۆمپیۆ، وهزیری دهرهوهی ئهمهریكا، به سهردانێكی نهێنێ و پێشتر رانهگهیێنراو گهیشتووهته بهغدای پایتهختی عێراق.
بهگوێرهی زانیارییهكان، رێوشوێنی توندی ئهمنی بۆ پێشوازی وهزیری دهرهوهی ئهمهریكا له دهوروبهری ناوچهی سهوزی بهغدا گیراوهتهبهر و چاوی به سهرۆك وهزیرانی عێراق و سهرۆكی پهرلهمان و ژمارهیهك بهرپرسی دیكه دهكهوێت.
پۆمپیۆ له گهشتێكدایه بۆ ژمارهیهك وڵاتی رۆژههڵاتی ناوهڕاست، بهڵام سهردانی عێراق له خشتهی سهردانهكانیدا نهبوو و پێشتر رانهگهیێنرابوو.