ئێران داوایەکی وەزیری دەرەوەی ئەمەریکای رەتکردەوە

K24 – هه‌ولێر:

مایك پۆمپیۆ، وەزیری دەرەوەی ئەمەریكا رایگەیاند، رژێمی ئێران دەستپێشخەرییەكەی بۆ گەشتكردن بۆ تاران و دانوستانی راستەوخۆ لەگەڵ گەلی ئێران رەتكردووەتەوە.

لە چاوپێکەوتنێکی لەگەڵ ئاژانسی بلومبێرگ، پۆمپیۆ ئاماژەی بەوەدا: "ئێمە لە ھاتنی وەزیری دەرەوەی ئێران بۆ ئەمەریكا ناترسین، مافی قسەكردنی ئازادانەی ھەیە، بەڵام رژێمی خامنەیی بە شێوەیەك خراپە كە رێگە نادات بە ھەمان شێوە بچمە ئێران و دانوستان بكەم"

وەزیری دەرەوەی ئەمەریکا دەڵێت، حکوومەتی ئێران بۆیە داواکەی رەتکردووەتەوە چونکە دەترسێت لەوەی راستییەکان بۆ خەڵکی ئێران ئاشکرا بن.

پێشترە پۆمپیۆ ئامادەیی خۆی دەربڕیبوو بچێتە ئێران و راستەوخۆ لەگەڵ گەلی ئێران دەست بە گفتوگۆ بكات.

I recently offered to travel to Tehran and speak directly to the Iranian people. The regime hasn’t accepted my offer. pic.twitter.com/IFNSf0AJ4H

— Secretary Pompeo (@SecPompeo) July 28, 2019

<script async

H.J