چایخانەی شەعب لە سلێمانی

چایخانەی شەعب لە ساڵی 1950 لە شاری سلێمانی كراوەتەوە، كە دیارترن چایخانەی شارەكەیە کە هەموو چین و توێژەکان روو تێدەکەن، ھەروەھا زۆر لەو گەشتیار و رێبوارانەی سەردانی سلێمانی دەكەن یەكێك لەو شوێنانەی بۆی دەچن چایخانەی شەعبە.

لە چایخانەی شەعب وێنەی زۆربەی كەسایەتییە ناودارەكانی كوردستان ھەڵواسراوە، ئەمەش دیمەنێكی جوانتری بە چایخانەكە بەخشیووە، تەقەی دۆمینە و تاوڵە و دەمەتەقێی میوانان ئاوازی بەردەوامی چایخانەی شەعبە.