رێواز فایەق: پەسند كردنی پڕۆژەیاسای چاكسازیی ئاسان نەبوو

K24 - ھەولێر

دوای پەسند كردنی پڕۆژەیاسای چاكسازیی سەرۆكی پەرلەمانی كوردستان رایگەیاند، وەك پەرلەمان پڕۆژەیاسای چاكسازیمان پەسند كرد و ئەركی خۆمان جێبەجێكرد، كە ئاسان نەبوو.

رێواز فایەق، سەرۆكی پەرلەمانی كوردستان لە كۆنفرانسێكی رۆژنامەوانیدا رایگەیاند: "دوای پەسند كردنی پڕۆژەیاسای چاكسازیی، ئێستا داڕشتنەوەی بۆ دەكرێت، بۆ ئەوەی لە شێوەی ماددە رێكبخرێت، ھەركاتێك تەواو بوو دەینێرین بۆ سەرۆكی ھەرێمی كوردستان".

گوتیشی: "وەك پەرلەمان ئێمە ئەركی خۆمان جێبەجێ كرد و پڕۆژەیاسای چاكسازیی پەسند كرا، كە ئەركێكی ئاسان نەبوو، دواتر ئەركێكی دیكە دەكەوێتە ئەستۆمان ئەویش چاودێریكردنی جێبەجێكردنی پڕۆژەكەیە، چونكە بەڵێنی زۆر بە خەڵك دراوە".

 ھ.م