بروسكەی سەرەخۆشیی سەرۆك بارزانی بەبۆنەی كۆچی دوایی خوالێخۆشبوو حه‌مه‌ڕه‌زای سه‌رگه‌ڵوو

K24 – هه‌ولێر:

سه‌رۆك مه‌سعود بارزانی، برووسكه‌یه‌كی سه‌ره‌خۆشی ئاراسته‌ی كه‌سوكار و خانه‌واده‌ی حه‌مه‌ڕه‌زا سه‌رگه‌ڵوویی كرد، كه‌ یه‌كێك بووه‌ له‌ پێشمه‌رگه‌ دێرینه‌كانی كوردستان و ئه‌مڕۆ له‌ ڤیه‌ننا كۆچی دوایی كرد.

ده‌قی برووسكه‌كه‌

بەناوی خودای مەزن و دلۆڤان 

بۆ خانەوادەی بەڕێزی حه‌مه‌‌ڕه‌زا سه‌رگه‌ڵوویی 

بەداخەوە هەواڵی كۆچی دوایی هه‌ڤاڵ و كادیری ماندوویینه‌ناس و کەسایەتیی نیشتمانپەروەر و دڵسۆزی ڕێبازی بارزانی، خوالێخۆشبوو حه‌مه‌‌ڕه‌زای سه‌رگه‌ڵوومان پێ گەییشت. 

خواڵێخۆشبوو دڵسۆزی ڕێبازی كوردایەتی بوو و لە ڕۆژە سەختەکاندا هەڵوێستی جوامێرانە و ڕۆڵی قارەمانانەی هەبووە و تا دوا هەناسەکانی ژیانی دڵسۆزی گەل و وڵاتەکەی بوو. 

پرسە و سەرەخۆشیی خۆم بە خانەوادە تێكۆشه‌ره‌كه‌تان و سەرجەم خزم و كەسوكارتان ڕادەگەیەنم و بەشداری خەمتانم.

لە خودای گەورە داواكارم گیانی پاکی کاکە حه‌مه‌ڕه‌زا بباتە بەر دلۆڤانیی خۆی و دڵنەوایی و ئارامییش بە گشت لایەك ببەخشێت. 

انا لله وانا الیه راجعون

مه‌سعود بارزانی

16ـی 3ـی 2020