فەرەنسا ئەمڕۆ ژمارەی پێوانەیی لە مردن بەهۆی كۆرۆنای تۆماركرد

K24- هەولێر:

ئەمڕۆ فەرەنسا مردنی هەزار و 417 كەسی دیكەی بەهۆی پەتای كۆرۆنا لە وڵاتەكەی راگەیاند و دووپاتی كردەوە، لە سەرەتای بڵاوبوونەوەی ڤایرۆسەكە، تا ئێستا 10 هەزار و 328 كەس بەهۆی ئەو پەتایەوە گیانیان لەدەستداوە.

جیرۆم سێلمون، بەڕێوەبەری گشتیی كاروباری تەندروستی لە فەرەنسا گوتی: لە ماوەی شەو و رۆژیكدا 3 هەزار و 777 حاڵەتی نوێی تووشبوون بە پەتای كۆرۆنا لە وڵاتەكەی تۆماركراون، بەمەش تا ئێستا 78 هەزار و 167 حاڵەتی تووشبوون لە سەرانسەری فەرەنسا تۆماركراون.

ئێستا فەرەنسا لە ژمارەی گیان لەدەستدان لە دوای هەریەك لە ئیتاڵیا، ئیسپانیا و ئەمەریكا لە ریزبەندی چوارەمی وڵاتانی جیهاندایە، كە تا ئێستا نزیكەی 81 هەزار كەس لە سەرانسەری جیهان بەهۆی ئەو ڤایرۆسە كوشندەیەوە گیانیان لەدەستداوە.

H.B