دواجار شوێنی بەشار ئەسەد ئاشکرا بوو
ڕووسیا مافی پەنابەری بە ئەسەد و خێزانەکەی داوە
سەرچاوەیەک لە کۆشکی سەرۆکایەتیی ڕووسیا (کرملن) ئاشکرای کرد، بەشار ئەسەد سەرۆکی هەڵاتووی سووریا خۆی و ئەندامانی خێزانەکەی گەیشتوونەتە مۆسکۆ و مافی پەنابەرێتیان پێ دراوە.
ئاژانسی تاسی ڕووسی لە زاری سەرچاوەیەک لە کۆشکی کرملن ئاشکرای کرد، بەشار ئەسەد و تەواوی ئەندامانی خێزانەکەی گەیشتوونەتە ڕووسیا و بە هۆکاری مرۆیی مافی پەنابەرێتی بە ئەسەد و خێزانەکەی دراوە.
پێشووتریش، وەزارەتی دەرەوەی ڕووسیا ڕایگەیاندبوو، سەرۆکی پێشووی سووریا، بەشار ئەسەد دەستی لە پۆستەکەی کشاندووەتەوە و بۆ ئەوەی بە ئاشتییانە دەستاو دەستی دەسەڵات بکرێت، وڵاتەکەی بەجێ هێشتووە .