سەرۆکی ئەڵمانیا پەرلەمانی هەڵوەشاندەوە
فرانک واڵتەر شتاینمایەر، سەرۆکی ئەڵمانیا ئەمڕۆ هەینی، 27ـی کانوونی یەکەمی 2024، پەرلەمانی هەڵوەشاندەوە و بە فەرمی ڕۆژی 23ـی شوباتی وەک وادەی هەڵبژاردنی پێشوەختە دیاریکرد.
ئەمەش بڕیارێکی چاوەڕوانکراو بوو دوای ڕووخانی هاوپەیمانی حکوومەت و دەنگدان بە لێسەندنەوەی متمانە لە ئۆلاڤ شۆڵز، ڕاوێژکاری ئەڵمانیا.
سەرۆکی وڵاتەکە لە وتارێکیدا ڕایگەیاند، پەرلەمان هەڵدەوەشێتەوە تا وادەی هەڵبژاردنەکان و گوتی: "سەقامگیری سیاسی لە ئەڵمانیا بەهایەکی گەورەی هەیە".
ئەنجامی ڕاپرسییەکان دەریدەخات ئۆپۆزسیۆنی ئەڵمانیا لەم هەڵبژاردنەدا زۆرترین ئەگەری هەیە، پێش پارتی ئەلتەرناتیڤ بۆ ئەڵمانیای ڕاستڕەوی توندڕەو و پارتی سۆسیال دیموکرات بە سەرۆکایەتی شوڵز بکەوێت.