شاندی دانووستانکاری پارتی لەگەڵ سەرۆکی بەرەی گەل کۆبووەوە

ئومێد سەباح، ئەندامی شاندی دانووستانکاری پارتی دیموکراتی کوردستان بۆ پێکهێنانی کابینەی نوێی حکوومەتی هەرێمی کوردستان ڕایگەیاند: لەگەڵ لاهور جەنگی، سەرۆکی بەرەی گەل کۆبوونەوەتەوە.
سێشەممە 14ـی کانوونی دووەمی 2025، ئومێد سەباح، ئەندامی شاندی دانووستنکاری پارتی دیموکراتی کوردستان بۆ گفتوگۆ لەگەڵ لایەنە سیاسییەکانی کوردستان و پێکهێنانی کابینەی نوێی حکوومەتی هەرێمی کوردستان ڕایگەیاند: شاندی دانوستانکاری پارتی دیموکراتی کوردستان، سەردانی بارەگای بەرەی گەلی لە شاری هەولێر کرد و لە لایەن لاهور شێخ جەنگی پێشوازیان لێکرا.
ئومێد سەباح ڕایدەگەیەنێت: لە کۆبوونەوەکەدا بیرورا لەبارەی پرسی پێکهێنانی کابینەی داهاتووی حکومەتی هەرێم ئاڵوگۆڕکران.