پێنجوێن.. پیاوێک ژنەکەی خۆی پارچە پارچە دەکات
پیاوێکی ڕۆژهەڵاتی کوردستان، کە ساڵانێکە دانیشووی شارۆچکەی پێنجوێنە لە نێو ماڵەکەی خۆیدا ژنەکەی خۆی کوشتوە و کردوویەتی 13 پارچە.
هێمن ئیبراهیم، قائیمقامی پێنجوێن بەوەکالەت بە کوردستان24ـی ڕاگەیاند، "ئەو پیاوە و هاوسەرەکەی هەردووکیان خەڵکی ڕۆژهەڵاتی کوردستانن و پیاوەکە خاوەنی دوو هاوسەرە، ڕووداوەکەش لەسەرەتای ئەم ساڵەوە ڕووی داوە و کەس و کاری ژنەکە و منداڵەکانی پۆلیسیان ئاگادار کردۆتەوە، کە ئەو ژنە دیار نەماوە."
گوتیشی: "دوای لێکۆڵینەوەکان جەستەی بەشێوێندراوی لە نێو حەوشەی ماڵەکەی خۆیاندا دۆزراوەتەوە، ئاماژەی بەوەش دا "پەڕاوی لێکۆڵینەوە بۆ ڕووداوەکە کراوەتەوە، بەڵام هاوسەرەکەی کە تاوانبارە بە کوشتنی ژنەکەی هەڵاتووە بۆ وڵاتی ئێران."
