سەرۆک وەزیران، مەسرور بارزانی سەرەخۆشی لە حکوومەت و گەلی ئەمەریکا دەکات
مەسرور بارزانی سەرۆکی حکوومەتی هەرێمی کوردستان لە پەیامێکدا کە لە تۆڕی کۆمەڵایەتیی ئێکس بڵاویکردووەتەوە، سەرەخۆشی لە حکوومەت و گەلی ئەمەریکا دەکات.
لە پەیامەکەی سەرۆک وەزیراندا هاتووە "بەهۆی ئەو ڕووداوە دڵتەزێنەی پێکدادانی فڕۆکە و هێلیکۆپتەرێک لە نزیک واشنتن دی سی، پرسە و هاوخەمی خۆم ئاڕاستەی گەل و حکوومەتی ئەمەریکا دەکەم".
هەروەها نووسیویەتی" بیر و فیکرم لای قوربانیان و خێزانەکانیانە، هیوای زوو چاکبوونەوەش بۆ بریندارەکان دەخوازم."
I convey my deepest condolences to the people and government of the United States for the heartbreaking plane and helicopter crash near Washington, D.C.
— Masrour Barzani (@masrourbarzani) January 30, 2025
My thoughts are with the victims and their families and I wish a speedy recovery for the injured.
بەرە بەیانی ئەمڕۆ پێنجشەممە، فڕۆکەیەکی نەفەرهەڵگر بە 60 سەرنشین و چوار کارمەندی ستافی فڕۆکەکە بەر لە نیشتنەوەی لە فڕۆکەخانەی ڕۆناڵد ڕیگن، لەگەڵ هێلیکۆپتەرێکی سەربازیی کە سێ سەربازی تێدا بووە، پێکیاندا داوە.
بەگوتەی بەرپرسانی فڕۆکەخانەکە ڕایانگەیاند، فڕۆکەکە نەفەرهەڵگرەکە تێکشکاوە و کەوتووەتە ڕووباری بۆتۆماکی نزیک فڕۆکەخانەکە.