ئەمەریکا داوای سزادانی هێرشکەرانی سەر کێڵگەی کۆرمۆر دەکات
ئەمەریکا بە توندی سەرکۆنەی هێرشەکەی سەر کێڵگەی کۆرمۆر دەکات و داواش لە حکوومەتی عێراق دەکات هێرشەکەرەکان سزا بدات.
سێشەممە، 04-02-2025، باڵیۆزخانەی ویلایەتە یەکگرتووەکانی ئەمەریکا لە بەغدا، لە تۆڕی کۆمەڵایەتیی ئێکس، ڕاگەیەندراوێکی لەبارەی هێرشەکەی سەر کێڵگەی غازی کۆرمۆر بڵاو کردەوە.
باڵیۆزخانەی ئەمەریکا لە بەغدا، بە توندی سەرکۆنەی هێرشەکەی کردووە و داواش لە حکوومەتی عێراق دەکات بکەرانی هێرشەکە سزا بدات.
کاتژمێر 07:05ـی ئێوارەی یەکشەممە، 02-02-2025، بە فڕۆکەیەکی بێ فڕۆکەوان هێرش كرایە سەر كێڵگەی غازی كۆرمۆر.
دواتر وەزارەتی سامانە سرووشتییەکانی حکوومەتی هەرێمی کوردستان لە ڕاگەیەندراوێكدا جەختی کردەوە، هێرشەکە هیچ زیانێکی بە کێڵگەی غازی کۆرمۆر و کۆمپانیای دانەغازی ئیماراتی نەگەیاندووە و بەرهەمهێنانی غازیش ئاساییە.
We condemn the attack on the Khor Mor gas field and urge the Government of Iraq to hold the perpetrators accountable.
— U.S. Embassy Baghdad (@USEmbBaghdad) February 4, 2025