لەسەر فەرمانی سەرۆک وەزیران، ڕەزامەندی بۆ نوێکردنەوەی مینحەی سەدان مامۆستای ئاینی درا
چوارشەممە، 5ـی شوباتی 2025، لە سەر فەرمانی سەرۆک وەزیران، مەسرور بارزانی، ڕەزامەندی بۆ نوێکردنەوەی مینحەی 1500مامۆستایانی ئاینی بۆ ساڵی 2025 درا.
نووسراوێک لە وەزارەتی دارایی و ئابووری هەرێمی کوردستان بڵاوکراوەتەوە، کە تێیدا هاتووە، لەسەر فەرمانی سەرۆک وەزیران، مەسرور بارزانی، ڕەزامەندی لەسەر نوێکردنەوەی مینحەی 1500 مامۆستای ئاینی خۆبەخش وەک پێش نوێژ و وتارخوێن درا.
هەر لە نووسراوەکەدا هاتووە، ئەو مامۆستا ئاینیە خۆبەخشانە، لەپای ئەو خزمەتەی لە مزگەوتەکان پێشکەشی دەکەن، بۆ ماوەی یەک ساڵی دیکە، مانگانە 250 هەزار دیناریان بۆ خەرج دەکرێت.
