سەرۆک وەزیران مەسرور بارزانی پێکهێنانی حکوومەتی نوێی لوبنان پیرۆز دەکات

سەرۆک وەزیران, مەسرور بارزانی پێکهێنانی حکوومەتی نوێی لوبنان پیرۆز دەکات و پشتیوانیی حکوومەتی هەرێمی کوردستانیشی بۆ دووپات دەکاتەوە. 

یەکشەممە، 09-02-2025، مەسرور بارزانی، سەرۆکی حکوومەتی هەرێمی کوردستان لە پۆستێکی تۆڕی کۆمەڵایەتیی ئێکس، پیرۆزبایی لە سەرکردایەتی و گەلی لوبنان کرد بە بۆنەی ڕاگەیاندنی پێکهێنانی حکوومەتی نوێ بە سەرۆکایەتیی دادوەر نەواف سەلام.

سەرۆکی حکوومەتی هەرێمی کوردستان، هیوای سەرکەوتن بۆ حکوومەتی نوێی لوبنان دەخوازێت و پشتیوانیی هەوڵەکانیشی دەکات بۆ دەستەبەرکردنی ئاسایش، سەقامگیریی و گەشەسەندن بۆ خەڵکی لوبنان و بەرەوپێشبردنی ئەو وڵاتە. 

سەرۆک وەزیران مەسرور بارزانی لە بەشێکی دیکەی پۆستەکەیدا پشتیوانیی حکوومەتی هەرێمی کوردستانی بۆ حکوومەتی نوێی لوبنان دووپات کردووەتەوە. 

Congratulations to Lebanon on the formation of a new government led by Prime Minister Nawaf Salam.

I wish PM Salam and his cabinet success in bringing security, stability and prosperity for the people of Lebanon. The KRG stands ready to help.

— Masrour Barzani (@masrourbarzani) February 9, 2025

ڕۆژی شەممە، 08-02-2025، پێکهێنانی حکوومەتی نوێی لوبنان بە سەرۆکایەتیی دادوەر نەواف سەلام ڕاگەیەنرا و تارق میرتیش، جێگری سەرۆک وەزیران دەبێت. 

وەزیرەکانی کابینەی نوێی حکوومەتی لوبنان:

1-میشال مینسە، وەزیری بەرگری.

2-ئەحمەد حەججار، وەزیری ناوخۆ.

3-یوسف ڕەجی، وەزیری دەرەوە.

4-یاسین جابر، وەزیری دارایی.

5-غەسسان سەلامە، وەزیری ڕۆشنبیری.

6-لورا خازن لەحود، وەزیری گەشتوگوزار.

7-کەمال شیحادە، وەزیری کۆچ و کۆچبەران.

8-نورا پێرقدریان، وەزیری وەرزش و لاوان.

9-ڕیما کیرامی، وەزیری پەروەردە.

10-عادل نەسسار، وەزیری داد.

11-ڕاکان نەسرەددین، وەزیری تەندروستی.

12-محەممەد حەیدەر، وەزیری کار.

13-جۆزێس سەددی، وەزیری وزە.

14-عامر بەسساد، وەزیری ئابووری.

15-شارل حاجی، وەزیری گەیاندن.

16-جۆ عیسا خووری، وەزیری پیشەسازی.

17-فائیز ڕەسامنی، وەزیری ئیشغال.

18-نیزار هانی، وەزیری کشتوکاڵ.

19-فادی مەککی، وەزیری گەشەپێدانی کارگێڕی.

20-تەممارە زەین، وەزیری ژینگە.

21-حەنین سەید، وەزیری کاروباری کۆمەڵایەتی.

22-پۆل مارکۆس، وەزیری ڕاگەیاندن.

23-ڕاکان نەسرەددین، وەزیری تەندروستی گشتی.

24-فادی مەککی، وەزیری دەوڵەت بۆ کاروباری گەشەپێدانی کارگێڕی.