دەربەندیخان.. سێ کەس بە چەک و تەقەمەنی و تی ئێن تیەوە دەستگیر کران
قایمقامی دەربەندیخان ڕایگەیاند، سێ کەس بە بڕێک چەک و تەقەمەنی و'تی ئێن تی'یەوە لە دەربەندیخان دەستگیر کران.
سلێمان محەممەد، قایمقامی دەربەندیخان بەکوردستان24ـی ڕاگەیاند، لە ماڵێکی گەڕەکی خێڵان، لە دەربەندیخان، دەست بەسەر بڕێکی زۆر لە چەک و تەقەمەنیدا گیرا.
ئاماژەی بەوەش کرد، سێ تۆمەتبار لەسەر ئەو بابەتە دەستگیر کران، کە "تی ئێن تی" و نارنجۆکیان پێ بووە.
قایمقامی دەربەندیخان گوتیشی: ئەو تۆمەتبارانەی دەستگیر کراون هەرسێکیان کوردن و دانیشتووی دەربەندیخانن.
