نەوت گەورەترین دابەزینی هەفتانە تۆماردەکات

K24 - ھەولێر

نرخی نەوت لە کۆتا مامەڵەکانی رۆژی هەینیدا بە رێژەی 3% دابەزی و لە دوای مانگی حوزەیرانەوە گەورەترین دابەزینی هەفتانەی تۆمارکرد، هۆکارەکەشی بۆ ناڕوونییەکانی بازاڕ دەگەڕێتەوە، بەهۆی ڤایرۆسی کۆرۆنا .

نرخی بەرمیلێک نەوتی خاوی برێنت بە رێژەی 3.2% بۆ 42 دۆلار و 66 سەنت دابەزی، هەروەها نرخی بەرمیلێک نەوتی سووکی تێکساس بە رێژەی 3.9% بۆ 39 دۆلار و 77 سەنت دابەزی، جارێکی دیكه‌ی گەڕایەوە ئاستی ژێر 40 دۆلار.

لەسەر بنەمای هەفتانەش نرخی نەوتی خاوی برێنت 5.3% و نرخی نەوتی سووکی تێکساس 7.4% دابەزینیان تۆمارکرد.

ئەمە لە کاتێکدایە رێکخراوی ئۆپێک و هاوپەیمانەکانی لەسەرەتای مانگی ئابەوە دەستیان کردووه‌ بە بەرزکردنەوەی ئاستی بەرهەمهێنان بە بڕی دوو ملیۆن بەرمیل نەوتی رۆژانە.