مەسرور بارزانی: پێشوازیی لە پرۆسەی ئاشتی و یەکەم هەنگاوی چەکدانانی پەکەکە دەکەم
سەرۆکی حکوومەتی هەرێمی کوردستان، پێشوازیی لە یەکەم هەنگاوی چەکدانانی پەکەکە دەکات و، هیواداریشە هەموو لایەک پابەندی بەدیهێنانی ئاشتی ڕاستەقینە بن.
هەینی 11ـی تەممووزی 2025، مەسرور بارزانی، سەرۆکی حکوومەتی هەرێمی کوردستان، لە هەژماری خۆی لە تۆڕی کۆمەڵایەتی ئێکس، لەبارەی یەکەم هەنگاوی پرۆسەی چەکدانانی پەکەکە، پەیامێکی بڵاوکردەوە.
سەرۆکی حکوومەتی هەرێمی کوردستان، لە پەیامەکەیدا، پێشوازیی لە پرۆسەی ئاشتی و یەکەم هەنگاوی چەکدانانی پەکەکە دەکات.
هاوکات هیوادارە هەموو لایەک پابەندی بەدیهێنانی ئاشتی ڕاستەقینە بن و سەردەمێکی نوێی پێکەوەژیان و ئارامی دەست پێ بکات.
Ez pêvajoya aştiyê û gava yekem a danîna çekan ji aliyê PKKê ve pêşwazî dikim. Hêvî dikim ku hemû alî pabendî pêkanîna aştiyeke rastîn û serdemeke nû ya jiyana hevbeş û aramiyê bibin.
— Masrour Barzani (@masrourbarzani) July 11, 2025
هەینی 11ـی تەممووزی 2025، پرۆسەی چەکدانانی گرووپێک لە ئەندامانی پارتی کرێکارانی کوردستان (پەکەکە) لە ئەشکەوتی جاسەنەی سەر بە ناوچەی سوورداشی قەزای دوکان، کە ژمارەیان 30 کەس بوون، وەک نیازپاکی لە بەرانبەر پرۆسەی ئاشتیی تورکیا، چەکەکانیان دانا و سوتاندیان.
