باڵیۆزی تورکیا سوپاسی هەوڵەکانی سەرۆک بارزانی بۆ سەرخستنی پرۆسەی ئاشتی دەکات
ڕۆژی پێنجشەممە 17ـی تەممووزی 2025، لە سەڵاحەددین سەرۆک مەسعود بارزانی پێشوازی لە ئانیل بۆرا ئینان، باڵیۆزی تورکیا لە عێراق و شاندی یاوەری کرد.
بە گوێرەی ڕاگەیەنراوی بارەگای بارزانی، لە دیدارەکەدا کە ئیرمان تۆپچو کونسوڵی گشتیی تورکیا لە هەولێر ئامادەی بوو، گفتوگۆ لەبارەی پێشهات و بارودۆخی سیاسیی ناوچەکە و پەیوەندییەکانی نێوان هەردوو حکوومەتی هەرێم و حکوومەتی عێراقی فیدراڵ کرا.
بارەگای بارزانی ئاماژەی بەوەش کردووە، هەر لەو دیدارەدا ڕۆشنایی خرایە سەر پڕۆسەی چارەسەری ئاشتی لە تورکیا و باڵیۆزی تورکیا لە عێراق سوپاسی سەرۆک بارزانی کرد کە بە درێژایی ساڵانی رابردوو ڕۆڵی گرنگی هەبووە لە پاڵپشتیکردنی پڕۆسەی چارەسەری ئاشتی لە تورکیا.
پەیوەندییەکانی نێوان هەردوولا تەوەری دیکەی ئەو دیدارەبوو.