سەرۆک بارزانی پیرۆزبایی جەژنی جەما لە ئێزیدییەکان دەکات

ئەمڕۆ سێشەممە، 6ـی تشرینی یەکەمی 2026، بە بۆنەی جەژنی جەماوە، سەرۆک بارزانی پەیامێکی پیرۆزبایی ئاراستەی خوشک و برایانی ئێزیدی لە کوردستان و جیهان دەکات و هیواخوازە هەموو جەژن و بۆنەکانیان لە ئارامی و تەناهیدا بەسەر ببەن، هەروەها دڵنیایی دەداتە خوشک و برایانی ئێزیدی کە هەمیشە پاڵپشتی پاراستنی ماف و داواکارییە رەواکانیان دەبێت.

پەیاما سەرۆک بارزانی بۆ جه‌ژنا جه‌ما یا كوردێن ئێزیدی

ب ناڤێ خودایێ مەزن و دلۆڤان

ب هەلكەفتا جەژنا جه‌ما یا خوشك و برایێن ئێزیدی پیرۆزباهییەكا گەرم ل جڤاتا رۆحانی و ئۆلدار و هەمی ئێزیدیێت كوردستانێ و جیهانێ دكەم.

هیڤیدارم خوشک و برایێت ئێزیدی هەمی جەژن و هەلكەفتێت خۆ د ئارامی و تەناهیێ دا ب ئازادانه‌ ببەنە سەر. بڤێ هه‌لكه‌فتێ  خوشك و برایێن ئێزیدی پشت ڕاست دكه‌م كو هەردەم پاڵپشتیێ ل پاراستنا ماف و داخوازیێن وان یێن ره‌وا دكه‌ین.

بمینن د خێر و خۆشییاندا.