گەیلان حاجی سەعید، سەرۆکی ژوورە بازرگانییەکانی هەرێمی کوردستان لە کۆنفرانسێکی رۆژنامەوانیدا رایگەیاند: 

- داوا لە حکوومەتی عێراق دەکەین پێداچوونەوە بە بڕیاری بەرزکردنەوەی بەهای دۆلاردا بکات.

- بڕیارەکە کاریگەری لەسەر بازاڕەکانی عێراق و هەرێمی کوردستان دەبێت. 

- ناڕەزایەتی لە بڕیارەکە دەردەبڕین، چونکە زەرەرمەندی یەکەم هاووڵاتییە. 

- بڕیارەکە بەبێ دیراسە و راوێژکردن لەگەڵ بازرگانان و ژوورە بازرگانییەکان دراوە. 

- بیانووی بڕیارەکە ئەوەیە، ئامانجی حکوومەتی عێراق پڕکردنەوەی کورتهێنانی بودجەی و دابینکردنی مووچەی فەرمانبەرانە. 

- داوا لە بازرگانان دەکەین ئەو کاڵایانەی بە نرخی پێشوو کڕیویانە، لە بازاڕەکاندا گرانی نەکەن. 

نوێ دەکرێتەوە..  
 

ئەمڕۆ چوارشەممە، 07ـی تشرینی یەکەمی 2026، کەیفی خۆشناو، گوتەبێژی بازاڕی دراوی هەولێر سەبارەت بە هۆکارەکانی بەرزبوونەوەی لەناکاوی بەهای دۆلار و گەیشتنی بە سەرووی 170 هەزار دینار، بۆ کوردستان24، گوتی، "ئەمە شتێکی کوتوپڕ بوو، حکوومەتی عێراق تەنیا بە ماوەی یەک هەفتە بڕیاری دا بەهای دۆلار بەرزبکاتەوە، خەڵک چاوەڕوانی ئەوە نەبوو یەکسەر بەهاکە بگاتە ئەو ئاستە، بەڵکوو پێیان وابوو ئەگەر بگاتە 150 هەزاریش، حکوومەت دایدەبەزێنێتەوە."

بە گوتەی کەیفی خۆشناو، لە ئێستادا بەهای 100 دۆلاری ئەمریکی لە بازاڕدا بە 168 هەزار دینار مامەڵەی پێوە دەکرێت. ئاماژەی بەوەش دا، "دەبووایە حکوومەتی عێراق چوار بۆ شەش مانگ پێشتر رایگەیاندبا بەنیازین لە بودجەی ساڵی 2027 بەهای دۆلار بەرزبکەینەوە، بۆ ئەوەی خەڵک ئامادەکاریی خۆی بکردایە، بەڵام ئێستا زەرەرمەندی یەکەم هاووڵاتییە."

لە بەشێکی دیکەی قسەکانیدا، کەیفی خۆشناو تیشکی خستە سەر پەیوەندیی نێوان نرخی نەوت و بەهای دۆلار و ئەوەی خستەڕوو، داهاتی عێراق تەنیا پشت بە نەوت دەبەستێت. روونیکردەوە، "کورتهێنانی بودجەی عێراق ئێستا 64 ترلیۆن دینارە، بەڵام ئەگەر دۆلار بکرێتە 150 هەزار دینار، کورتهێنانەکە دادەبەزێت بۆ 43 ترلیۆن دینار. حکوومەت نرخی نەوتی بە 58 دۆلار خەمڵاندووە، ئەگەر نرخی نەوت بۆ 40 دۆلار دابەزێت، دەبێت عێراق دیسان دەستکاریی دۆلار بکاتەوە بۆ پڕکردنەوەی کورتهێنان، بەڵام ناکرێت هەموو رۆژێک خەڵک فێڵی لێبکرێت و زەرەرمەند بێت."

دۆلارفرۆشێک بە کوردستان24ـی راگەیاند، کەس هەبووە بە 5 دەقە زیاتر لە 200 هەزار دۆلاری زەرەر کردووە.
 

سابیر باواجی، سەرۆکی ئەنجوومەنی بۆرسەی هەولێر بۆ کوردستان24: ئەم شڵەژانە کاتییە و بەماوەیەکی کورت دۆخی بازاڕ ئارام دەبێتەوە و جیاوازییەکەش تەنیا 8 هەزار دەبێت.
 

گوتەبێژی بازاڕی بۆرسەی ھەولێر روودەکاتە هاووڵاتییان و دەڵێت، "مامەڵەی هەوایی مەکە، ئێستا زۆربووە و خەڵکێکی زۆریش زەرەری کردووە"
 

دۆلارفرۆشێک: بڕیاربوو ساڵی نوێ نرخی دۆلار بە 150 هەزار دینار جێگیر بکرێت، بەڵام ئەمڕۆ جێگیرکرا و زەرەرێکی زۆرمان کرد.
 

کەیفی خۆشناو، گوتەبێژی بازاڕی دۆلارفرۆشانی هەولێر، بە کوردستان24ـی راگەیاند، "ئێستا حالییەن 100 دۆلار بە 168000 دیناری عێراقییە؛ دەبووایە حکومەتی عێراقی 4-6 مانگ پێش ئێستا رایگەیاندبا، بەنیازین لە بودجەی ساڵی 2027 بەهای دۆلار بەرزدەکەینەوە، بۆ ئەوەی خەڵک ئیحتیاتی خۆی وەربگرتبایە. یەعنی زەرەرمەندی یەکەم هاووڵاتیی عێراقییە."

بەهای 100 دۆلار لە بازاڕی دراوی هەولێر بۆ 168،500 دینار دابەزی.

بەهای 100 دۆلاری ئەمریکی لە بازاڕی دراوی هەولێر بە 169،250 دیناری عێراقی مامەڵەی پێوەدەکرێت. 

راستەوخۆ؛ هاژە لە بازاڕی دۆلارفرۆشانی هەولێرە و لەگەڵ بازرگانان و خاوەن نووسینگەکانی دراو، بەرزبوونەوەی بەهای دۆلار تاوتوێ دەکات