ڕاستەوخۆ

کوردستان و ئیمارات جەخت لە بەهێزکردنی پەیوەندییەکانیان دەکەنەوە

مەسرور بارزانی، سەرۆکی حکوومەتی هەرێمی کوردستان، لەگەڵ شێخ سەیف بن زاید ئال نەهیان، جێگری سەرۆکوەزیران و وەزیری ناوخۆی ئیمارات جەختیان لە بەهێزکردنی پەیوەندییە دۆستانەکانی نێوان کوردستان و ئیمارات کردەوە.

دوبەی - ئیمارات
هاوبەشکراوە

مەسرور بارزانی کۆتایی بە سەردانەکەی بۆ ئیمارات هێنا

سەرۆکی حکوومەتی هەرێمی کوردستان، کۆتایی بە سەردانەکەی بۆ ئیمارات هێنا و گوتی: بەشداریی سەرکردایەتیی ئیمارات لە گەشەپێدانی ناوچەکە، رەنگدانەوەی پابەندبوونیانە بە ئاشتی و ئاوەدانی.

سەرۆکی حکوومەتی هەرێمی کوردستان، لە هەژماری خۆی لە تۆڕی کۆمەڵایەتیی (ئێکس) نووسیویەتی: سوپاس بۆ WorldGovSummit و سەرکردایەتیی ئیمارات بۆ دروستکردنی ناوەندێک بۆ گفتوگۆ و بیروڕا ئاڵوگۆڕکردن.

 
 
بۆ زانیاریی زیاتر، کرتە بکە

خاڵە سەرەکییەکان

هەولێر و ئەبوزەبی پەیوەندییەکانیان لە بواری وزە و ژێرخاندا پەرە پێ دەدەن هەموو ببینە

کوردستان و ئیمارات جەخت لە بەهێزکردنی پەیوەندییەکانیان دەکەنەوە

نوێبوونەوەی ئۆتۆماتیکی

سەرۆکی حکوومەت لەگەڵ سەرۆکی لوتکەی جیهانیی حکومەتەکان کۆبووەوە

ئەمڕۆ پێنجشەممە، 5ـی شوباتی 2026، مەسرور بارزانی، سەرۆکی حکوومەتی هەرێمی کوردستان لە دوبەی، لەگەڵ محەممەد قرقاوی، سەرۆکی لووتکەی جیهانیی حکوومەتەکان و وەزیری کاروباری ئەنجوومەنی وەزیرانی ئیمارات كۆبووەوە.

زانیاریی زیاتر.. 

 

هەولێر و ئەبوزەبی پەیوەندییەکانیان لە بواری وزە و ژێرخاندا پەرە پێ دەدەن

ئێوارەی ئەمڕۆ چوارشەممە، 4ـی شوباتی 2026، مەسرور بارزانی، سەرۆکی حکوومەتی هەرێمی کوردستان، لە چوارچێوەی دیدارەکانی لە لوتکەی جیهانیی حکوومەتەکان لە دوبەی، لەگەڵ سوهەیل مەزروعی، وەزیری وزە و ژێرخانی ئیماراتی کۆبووەوە.

لە دیدارەکەدا هەردوولا هاوڕا بوون لەسەر بەهێزترکردنی پەیوەندیی دوولایەنە لە بوارەکانی ژێرخان و وزە و بە تایبەتی کەرتی کارەبا، لەم رووەوە بە گرنگییەوە ئاماژە بە پڕۆژەی ڕووناکی و دابینکردنی کارەبای 24 کاتژمێری لە هەرێمی کوردستان کرا.

 
بۆ زانیاریی زیاتر، کرتە بکە

سەرۆکی حکوومەت لەگەڵ وەزیری پیشەسازی و تەکنەلۆجیای پێشکەوتووی ئیمارات کۆبووەوە

مەسرور بارزانی، سەرۆکی حکوومەتی هەرێمی کوردستان لە دوبەی، لەگەڵ سوڵتان ئەلجابر، وەزیری پیشەسازی و تەکنەلۆجیای پێشکەوتووی ئیمارات جەختیان لە گرنگیی پەرەپێدانی پەیوەندییەکانی هەرێمی کوردستان و ئیمارات لە بوارەکانی وزە و سامانە سروشتییەکان و تەکنەلۆجیادا کرد.

 

بەرهەم ساڵح: رۆڵی هەرێمی کوردستان لە هاوکاریی رۆژئاوای کوردستان بە بەرز دەنرخێنین

بەرهەم ساڵح، كۆمیسیاری باڵای نەتەوەیەکگرتووەکان بۆ کاروباری پەنابەران لە پەراوێزی لووتکەی جیهانیی حکوومەتەکان بۆ کوردستان24 گوتی: "رۆڵی هەرێمی کوردستان لە گەیاندنی هاوکارییەکان بە رۆژئاوای کوردستان بە بەرز دەنرخێنین."

گوتیشی "هیوادارین ئەو ئاگربەستەی هاتۆتە ئاراوە وەک خۆی جێبەجێ بکرێت بۆ ئەوەی رێگە خۆش بکات بۆ گەیاندنی هاوکارییە مرۆییەکان.

بەرهەم ساڵح رایگەیاند، نەتەوە یەکگرتووەکان بەردەوامە لە هەوڵی گەیاندنی هاوکاریی بە شاری کۆبانێ. 

 

به‌ڕێوه‌به‌رى گشتيى ‏نوێی یونێسکۆ ئامادەیی دەبڕی بۆ هاریکاریی وەرگرتنی هەرێمی کوردستان بە ئەندامی بەشدار لە رێکخراوەکە

مەسرور بارزانی، سەرۆکی حکوومەتی هەرێمی کوردستان لە دوبەی، لەگەڵ خالید ئەلعینانی، به‌ڕێوه‌به‌رى گشتيى ‏نوێی رێكخراوى نه‌ته‌وه‌ يه‌كگرتووه‌كان بۆ په‌روه‌رده‌ و زانست و رۆشنبيرى  (UNESCO)باسیان لە پڕۆژەکانی لە بواری پاراستن و نۆژەنکردنەوەی شوێنەوارەکان کرد.

هەر لە دیدارەدا سەرۆکی حکوومەت داوای کرد هەرێمی کوردستان وەک ئەندامێکی بەشدار لە رێکخراوی یونێسکۆ وەربگیرێت، لەلایەن خۆیەوە بەڕێوەبەری گشتیی رێکخراوەکەش، ئامادەیی بۆ هەر هاریکاری و هاوئاهەنگیکردنێک لەمبارەیەوە دەربڕی.

 
 

ئەبوغەیت رۆڵی سەرۆک بارزانی و مەسرور بارزانی بەرز دەنرخێنێت

مەسرور بارزانی، سەرۆکی حکوومەتی هەرێمی کوردستان لە دوبەی، لەگەڵ ئەحمەد ئەبو غەیت، ئەمینداری گشتیی کۆمکاری عەرەبی، دۆخی گشتیی عێراق و هەوڵ و گفتوگۆکانی هەڵبژاردنی سەرۆککۆمار و کابینەی نوێی حکوومەتی فیدراڵیان ئاڵوگۆڕ کرد.

هەروەها گۆڕانکاری و پێشهاتەکانی بارودۆخی سووریا تاوتوێ کرا و جەخت لە پاراستنی ئاسایش و سەقامگیری و چارەسەرکردنی کيشەکان بەشێوەیەکی ئاشتیيانە و ڕێزگرتن لە مافەکانی گەلی کورد و پێکهاتەکانی دیکەی سووریا کرایەوە، لەمبارەوە ئەبوغەیت، رۆڵی سەرۆک بارزانی و سەرۆکوەزیران مەسرور بارزانی لە هێورکردنەوەی دۆخی بەرز نرخاند.

 

 
 

سڵاو و رێزی شای ئوردن بە سەرۆکوەزیران مەسرور بارزانی گەیەندرا

سەرۆکوەزیرانی ئوردن، جەعفەر حەسان سڵاو و رێزی شا عەبدوڵڵای دووەمی بە مەسرور بارزانی سەرۆکی حکوومەتی هەرێمی کوردستان گەیاند و خواستی وڵاتەکەی بۆ برەودانی زیاتر بە پەیوەندیی دوولایەنە دەربڕی.

لەلایەن خۆیەوە سەرۆکوەزیران مەسرور بارزانی رێز و پێزانینی هەرێمی کوردستانی بۆ پشتیوانیی ئوردن و بەتایبەتیش شا عەبدوڵڵا دووپاتکردەوە.

 

 

مەسرور بارزانی: گەلی کورد لە سووریا شایستەی دانپێدانان و رێزلێنانە

سەرۆکوەزیران، مەسرور بارزانی جارێکی دیکە دیکە پشتیوانیی هەرێمی کوردستان بۆ رێککەوتنی نوێی نێوان هەسەدە و حکوومەتی سووریا دووپاتکردەوە و گوتی "گەلی کورد لە سووریا شایستەی دانپێدانان و رێزلێنانە."

سەرۆکوەزیران لە لێدوانێکیدا بۆ رۆژنامەنووسان لەبارەی رێککەوتنی گشتگیری نێوان حکوومەتی سووریا و هەسەدە گوتی"هیواخوازین ئەمە ببێتە دەستپێکی رێککەوتنێکی بەردەوام لەنێوان هەردوو لادا، کە ئاشتی و سەقامگیری بۆ وڵاتەکە دەهێنێت."

گوتیشی: پێویستە لە رێککەوتنە دووقۆڵییەکەدا رێز لە مافی هەموو پێکهاتەکانی سووریا بگیرێت، بە گەلی کوردیشەوە کە ئازارێکی زۆری چەشتووە و شایستەی ئەوەن دانپێدانرابن و ڕێزیان لێبگیرێت."

 

مەسرور بارزانی: هەرێمی کوردستان هەمیشە بەشێکە لە چارەسەر

سەرۆکوەزیران، مەسرور بارزانی کە بۆ بەشداری لە لووتکەی جیهانیی حکوومەتەکان لە دوبەیە، بە رۆژنامەنووسانی گوت: هەمیشە گوتوومانە هەرێمی کوردستان بەشێکە لە چارەسەر. ئەو چارەسەرە دەکرێت سیاسی بێت، دەکرێت بۆ دابینکردنی ئاسایش و سەقامگیری بێت، دەکرێت بۆ پەرەپێدانی ئابووریش بێت، کە بۆ خەڵکی ئێمە گرنگە. 

گوتیشی: هەروەک دەزانن، هەرێمی کوردستان ماوەیەکی زۆرە دەستی کردووە بە ریفۆرمی ئابووری و ئەمە کاریگەریی هەبووە لەسەر پێشخستنی هەرێمی کوردستان. بۆ ئەوەش ئەگەر بتوانین یارمەتیی زیاتری وڵاتانی دۆست و دراوسێ وەربگرین، ئەمە زیاتر دەکەوێتە خزمەتی خەڵکی کوردستانەوە."