ئەمڕۆ شەممە، 28ـی شوباتی 2026، دۆناڵد ترەمپ، سەرۆکی ویلایەتە یەکگرتووەکانی ئەمریکا لە پەیامێکی ڤیدیۆییدا رایگەیاند، هێزەکانیان دەستیان بە ئۆپەراسیۆنێکی سەربازیی بەرفراوان لە ناوخۆی ئێران کردووە.

لە کاردانەوەیەکی تونددا بەرانبەر هێرشە مووشەکییەکانی سەر چەند وڵاتێکی ناوچەکە، هەریەک لە سعوودییە، قەتەر، کوێت و ئوردن راگەیەنراویان بڵاوکردەوە و هێرشەکانی ئێرانیان بە پێشێلکارییەکی زەق بۆ سەر سەروەریی خاکیان و هەڕەشەی جدی بۆ سەر ئاسایشی ناوچەکە ناوبرد.

سوپای پاسداران لە وەڵامی هێڕشەکانی ئەمریکا و ئیسرائیل بۆ سەر ئێران، بە مووشەکی بالیستی هێرشی کردە سەر بنکە سەربازییەکانی ئەمریکا لە وڵاتانی عێراق، بەحرەین، ئیمارات، کوێت، قەتەر و سعوودییە. 

 ئەمڕۆ شەممە، 28ـی شوباتی 2026، رۆژهەڵاتی ناوەڕاست چووە ناو قۆناخێکی توند و مەترسیداری پێکدادانی راستەوخۆ، دوای ئەوەی هەر سێ لایەنی ململانێکان بە فەرمی دەستپێکردنی چەند ئۆپەراسیۆنێکی سەربازی فراوانیان راگەیاند.

ئەمڕۆ شەممە، 28ـی شوباتی 2026،  ئیسماعیل بەقایی، گوتەبێژی وەزارەتی دەرەوەی ئێران لە لێدوانێکدا رایگەیاند: "دەستدرێژییەکانی ئیسرائیل و ئەمریکا کردەوەیەکی قبووڵنەکراوە و بە تاوانێکی ئاشکرا و پێشێلکارییەکی ڕوون دادەنرێت."

میدیاکانی ئێران، ئەمڕۆ شەممە، 28ـی شوباتی 2026، بڵاویان کردەوە، کە مەسعود پزیشکیان سەرۆککۆماری ئێران باری تەندروستی باشە، ئەوەش دوای هێرشەکەی ئیسرائیل و ئەمریکا دێت کە شوێنەکانی نزیک بارەگای سەرۆکایەتی کۆماری ئێرانیان لە تاران کردە ئامانج. 

ئەمڕۆ شەممە، 28ـی شوباتی 2026، بێنیامین ناتانیاهۆ، سەرۆکوەزیرانی ئیسرائیل لە پەیامێکی ڤیدیۆییدا رایگەیاند، ئیسرائیل و ویلایەتە یەکگرتووەکانی ئەمریکا ئۆپەراسیۆنێکیه هاوبەشیان دەستپێکردووە بۆ نەهێشتنی ئەو مەترسییە هەبوونەی رژێمی ئێران دروستی کردووە، جەختی لەوەش کردەوە، "ئێران خاوەنی رژێمێکی تیرۆریستییە".

میدیاکانی ئیسرائیل رایدەگەیەنن، فڕۆکە جەنگییەکانی ئیسرائیل بە هاوبەشی لەگەڵ ئەمریکا، هێرشی ئاسمانییان کردووەتە سەر فڕۆکەخانەی نێودەوڵەتی تاران و چەندان دامەزراوەی حکوومی و پێگەی سەربازیی لە ئێران و چەندان بەرپرسی باڵای ئێرانیان کردووەتە ئامانج. 

ئیزرائیل کاتس، وەزیری بەرگریی ئیسرائیل رایگەیاند، بەیانیی ئەمڕۆ شەممە 28ـی شوباتی 2026 "هێرشی پێشوەختەمان لە دژی ئێران دەست پێکردووە و ژمارەیەک هێرشی ئاسمانیمان کردووەتە سەر تارانی پایتەختی ئەو وڵاتە."