Iraq serokatiya navenda hevahingiyê ya ligel Rûsyayê dike

K24 – Navenda Nûçeyan

Parlementerekî Iraqê radigehîne ku Iraq bo serokatiya serokatiya “Navenda Hevahingiya Çar alî” hatiye destnîşankirin, dê her sê mehan jî bi serokatiya welatekî be.

Endamê komîta asayiş û bergîriyê ya Parlementoya Iraqê Hoşyar Ebdulla îro 20 Cotmehê eşkere kir ku, niha hevahingiya “Çar alî” bi serokatiya şêwirmendê Asayişa Niştimanî yê Iraqê Falih Feyad e, dê her 3 mehan jî bo welatekî din were guhartin.

Berî niha Berdevkê Ofîsa Serokwezêr Iraqê Seid Hûdeysî ragehandibû ku navendeke hevahingiyê di navbera her yek ji Rûsya, Îran, Sûriyê û welatî wî de li Bexda hatiye avakirin.

Hevahingî, bi navê hevahingiya 4+1 tê naskirin, ku Hizbulaha Libnanî tevlî wê dibe.

Ebdulah got jî, erka wê hevpeymaniyê jî veguhartin û vekolîna agahiyên di warê şerê li dijî DAIŞê ye û radestkirina bilez ya wan agahiyan bo Serokatiya Erkanê yê her welatekî.