Kurdistan24
Nivîskar
Rojane 600 hezar bermîl petrol tê hinardekirin
Di Cotmeha îsal de Hikûmeta Herêma Kurdistanê nêzîka 18 milyon û 500 hezar bermîl petrol xav, şandiye bendera Ceyhan a Tirkiyê.
K24 – Navenda Nûçeyan
Di Cotmeha îsal de Hikûmeta Herêma Kurdistanê nêzîka 18 milyon û 500 hezar bermîl petrol xav, şandiye bendera Ceyhan a Tirkiyê.
Li gor rapora Wezareta Çavkaniyên Xwezayî ya Herêma Kurdistanê, di Cotmehê de û ji kêlgehên petrolê yên Herêma Kurdistanê û Kompanya Petrolê ya Bakur rojane 595 hezar û 528 bermîl petrol bo bendera Ceyhan hatiye şandin û Kompanya Somo ya Îraqê qet petrol hinarde nekiriye.
Li gor heman raportê, tenê ji kêlgehên petrolê yên Herêma Kurdistanê, Hikûmeta Herêma Kurdistanê 13 milyon û 611 hezar bermîl petrol şandiye derve ku rojane dike 439 hezar bermîl petrol.