K24 bûye çavkaniya medya cîhanî

K24 – Navenda Nûçeyan

Di veguhestina zanyariyên proseya azadkirina Şingalê de K24, bûye çavkaniya yekem a medya cîhanî.

Piştî destpêkirina operasyona azadkirina Şingalê, tîmên K24ê ji çend aliyan ve ji bo şopandina proseyê çûn Şingalê bo veguhestina zanyarî û pêşandana dîmenê rasterast ê proseya azadkirina Şingalê. Ajansên cîhanî wek FRANCE24, AP, BBC, CNN û çend medyayên din jî wêne û agahiyên K24ê bikar tînin û bûye çavkaniya yekem.

Doh 11.11.2014ê tîmekî berfireh ê Kurdistan24ê bi armanca şopandina operasyona rizgarkirina Şingalê çûn navçeyê û kêlî bi kêlî operasyonê bi awayekî rasterast bi rêya televizyonê vediguhêzin.

Tîmê Kurdistan24ê ji çar aliyan ve operasyonê dişopînin, li rojhilat Huner Ehmed, peyamnêrê Kerkûkê li wir e ku taybet ji bo şopandina proseyê çûye. Li rojava jî peyamnêrê Kerkûkê Mesûd Mihemed bûyeran vediguhêze. Li navçeya Sihêla Bextiyar Ebdulezîz û li ser çiyayê Şingalê jî li du cihên cuda Sehên Muftî û Bergeşt Akreyî operasyonê dişopînin.

Kurdistan24, dixwaze bi rêya wê şopandinê kêlî bi kêlî birêveçûna operasyonê û qahremaniya Pêşmergeyên Kurdistanê rasterast vebiguhêze. Hêjayê gotinê ye nêzîka 7 hezar Pêşmerge di operasyonê de beşdar in.

Piştî ku ketin nav bajarê Mûsilê, çekdarên DAIŞê roja 03.08.2014ê êrîşî qezaya Şingalê kirin û dest danîn ser, di encam de jî bi hezaran Kurdên Êzdî ji cihê xwe koçber bûn.