Ebadî serkeftina Pêşmerge li Barzanî pîroz dike

K24 – Navenda Nûçeyan

Serokwezîrê Iraqê derbarê pêşketinên Hêzên Pêşmerge li qezaya Şingalê de pîrozbehiyê li Serokê Herêma Kurdisatnê dike.

Serokwezîrê Iraqê Heyder Ebadî îro, 12 Mijdarê, di pêwendiyeke telefonî de pêşketin û serkeftinên Hêzên Pêşmerge li Şingalê li Serokê Herêma Kurdistanê Mesûd Barzanî pîroz kir.

Îro 7 hezar Pêşmerge dest bi operasyona rizgarkirina Şingalê ji çekdarên DAIŞê kirin, li gor  daxuyaniyeke Fermandariya Giştî ya Hêzên Pêşmerge, rêxistina DAIŞ şikestineke mezin xwariye û zêdetirî ji 100 çekdarên wê rêxistinê li Şingalê hatin kuştin.

Fermandariya Pêşmerge diyar kiriye jî ku, wan ji sedî 75 ji armancên xwe bicih anîne û karîne 150 K.M çarkoşe ji axa Başûrê Kurdistanê azad bikin, 

Ji aliyê xwe ve jî, Serokê Herêma Kurdistanê ji Ebadî re serkeftina Hêzên Pêşmerge li qezaya Şingalê û bandora wê li ser şikestin û jinavbirina DAIŞê şîrove kir.