Dîsan qeyikek penaberên Sûriyeyê binav dibe

K24-Enqere

Qeyikeke din a penaberên Sûriyeyê ku ber bi Yûnanîstanê ve diçû, kîlometreyekê dûrî Girava İstanköyê a Yûnanîstanê, binav bû.

Hat ragihandin ku 18 penaberên Sûriyeyî vê sibehê, 17ê Mijdarê, bi qeyikek lastîkî, ji Bodruma Tirkiyeyê bi rê dikevin û biçin Yûnanîstanê. Lê belê gava qeyika wan nêzî Yûnanîstanê dibe, binav dibe û kesên têde di avê de werdibin.

Masîgirên dibin şahidê bûyerê, agahiyê didin tîmên Ewlehiya Peravan a Yûnanistanê.

Li ser saloxgeriya masîgiran Timên Ewlehiya Peravan 7 penaber xelas kir û gihaşt cesedi 9 kesan.

Hat ragihandin ku Penaberên hatin xelaskirin bo Nexweşxaneya İstanköy a Dewletê hatine veguhestin û bo 2 penaberên wenda jî xebatên lêgerînê hatine destpêkirin.