Şûreya Leşkerî ji bo "şer" civiya

K24 – Enqere

Endamên Şûreya Bilind a Leşkeriyê (YAŞ) bi serokatiya Serokwezîr Ahmet Davutoğlu civiya. Civîna  YAŞê  7 saet û 15 xulekan  berdewam kir. Di civînê de mijara amadehiyên Tirkiyeyê yên ji bo şer di ber çav re hatin derbaskirin.

Di civîna ku bi serokatiya Serokwezîr Ahmet Davutoğlu birêve çû de, axaftin li ser  bûyerên ser sînorê  Suriyeyê, tedbîrên hatine wergirtin û xistina  firokeya Rusyayê  hat kirin.

Piştî civînê daxuyaniyek  hat dayîn û tê de hat gotin ku pevçûnên li ser sînorê  Suriyeyê  çêbûne hatine gotûbêjkirin. Herwiha hat ragehandin ku behsa amadehiyên Hêza Çekdarî ya Tirkiyeyê (TSK)  derbarê  şer de hatiye kirin.

Daxwiyanî wiha bi dawî dibe: “Pevçûnên rojên dawî  li ser sînorê Suriyeyê  pêk hatine hatin nîqaşkirin; Li ser vê  bingehê, ji bo têkiliyên me yên dîlomatîk û guftigûyên leşkeri yên navbera Federasyona Rusyayê  vekirî bimînin û ji bo navbera hêzên çekdarî  yên her du welatan  de bûyerên  nû neqevimin biryara bergiriyan hatiye dayîn.”