Serokatiya Kurdistanê kuştina Elçî şermezar kir

K24 – Hewlêr

Serokatiya Herêma Kurdistanê bi daxwiyaniyeke nivîskî kuştina Serokê Baroya Diyarbekirê Tahîr Elçî şermezar kir.

Serokatiya Herêma Kurdistanê di daxwiyaniyê de xemgîniya xwe derbarê kuştina Tahîr Elçî de tine ziman û sersaxiyê li kes û kar û malbata Elçî dike.

Di daxwiyaniyê de wiha tê gotin: "Em daxwaz dikin ku di zûtirên dem de encamderên wî tawanê mezin bên dîtin û radestî edaletê bên kirin û cezayê xwe werbigirin."

Serokatiya Herêma Kurdistanê, vê kiryara nemirovane li ser aştiya civakî û aramiya xelkê wek tehdîdeke cidî dibîne û hêvî dike ku kiryarên wiha neyên dubaren kirin.