Li Brîtanyayê ‘Konferansa Petrol û Gaza Kurdistanê’ dest pê dike

K24- Navenda Nûçeyan

Li paytexta Brîtanya, Londonê konferansek taybet bi kerta petrol û gaza Kurdistanê tê lidarxistin, biryare konferans 3 rojan berdewam bike.

Konferens ji aliyê kompaniyeya CWC ve hatiye rêxistin, îro, 30yê Mijdarê, yekemîn roja konferensê bû.

Li gor plana ku Kompanyaya CWC belav kiriye, konferans taybet e bi kerta petrol û gaza Kurdistanê û ew kompanyayên ku li Kurdistanê veberhênana petrolê dikin wê beşdarî konferansê bibin.

Li gor planê konferans wê 3 roja berdewam bike.

Biryare Serokwezîrê Herêma Kurdistanê Nêçîrvan Barzanî jî sibe Sêşemê di konferansê de gotarekî pêşkeş bike.

Li gor zanyariyan di şanda Herêma Kurdistanê de ligel Serokwezîr Nêçîrvan Barzanî, Cîgirê Serokwezîr Qubat Talabanî, Wezîrê Çavkaniyên Xwezayî Aştî Hewramî, Berpirsê Pêwendiyên Derve yê Hikûmetê Felah Mistefa, cîh digrin.

Kompanyaya CWC da zanîn ku Parêzgarê Kerkûkê Necmedîn Kerîm jî wê beşdarê konferansê bibe.