Kurdistan24
Nivîskar
Obama gotara xwe ya dawî pêşkeş dike
Encûmena Nûneran a Amerîkayê niha di destê Komarîxwazan de, lewma dê erkê li ser milê Obama gelek zehmet be.
K24- Navenda Nûçeyan
Serokê Encûmena Nûneran a Amerîkayê daxwaz ji Obama kir ku gotara xwe ya dawî, derbarê rewşa welat de pêşkeş bike.
Serokê Encûmena Nûneran a Amerîkayê, Paul Ryan di nameya ji bo serokê welatê, Barack Obama de îro, 1ê Kanûnê, nivîsiye: “Ligel nêzîkbûna sala nû, derfetek li pêşe me herduyan heye ku pêwîst e em bigehin bingeheke lihevkirinê ji bo bergirîkirin li mafê neteweyî li navxwe û derve.”
Obama yê demokratîxwaz, dê gotara xwe ya derbarê welat de roja 12ê Çileya 2015an li pêş Encûmena Nûneran ya ku serok û praniya endamên wê komarîxwazin, bixîwne.
Di Cotmeha borî de, Komarîxwaz û Demokratîxwaz derbarê budceyê de gehiştin rêkeftinekê, lê gelek xalên nakokiyê di navbera her du aliyan de hene ku heta niha nehatine çareserkirin.
Xalên sereke yên nakokiyê jî derbarê pirsa penaberan û girtina girtîgeha Guantanamo de ne.