Fermandarekî Pasdarên Îranê li Iraqê hate kuştin

K24 – Navenda Nûçeyan

Fermandarekî artêşa Pasdarên Îranê di şer û pevçûnên di navbera Heşda Şeibî û çekdarên DAIŞê de li bakarokê Beac a li rojavayê Mûsilê hate kuştin.

Artêşa Pasdarên Îranê di daxuyaniyekê de ragihand, fermandarê di artêşa Pasdarên Îranê de Genral Şaban Nesîrî di encama şer û pevçûnên di navbera Heşda Şeibî û çekdarên DAIŞê de li bajarokê Beac hate kuştin.

Daxuyaniyê amaje bi wê da, rola Nesîrî ya karîger hebû di damezrandina rêxistina Bedir de û beşdarî di şerên li Sûriye, Iraq û Libnanê de kiribû.

Pester jî, ji ber beşdariya hêzên artêşa Pasdarên Îranê di şer kontrolkirina navçeyên di bin destê DAIŞê de, çend fermandarên artêşa Pasdarên Îranê li Iraqê hatin kuştin.