Faik Bucak tê bibîranîn
Di 52emîn sala bibîranîna Faik Bucak de, rêxistin û partiyên Kurdistanî peyamên bibîranînê weşandin
K24 – Navenda Nûçeyan
Serokê Giştî yê Partiya Demokrat a Kurdistanê – Tirkiye Faik Bucak, di 5ê Tîrmeh a 1966an de di encama suikast û planek gemarî de hate şehîd kirin. Di 52emîn sala bibîranîna Faik Bucak de, rêxistin û partiyên Kurdistanî peyamên bibîranînê weşandin.
Peyama Partiya Azadiya Kurdistanê (PAK)
Em welatperwerê Kurd Faîk Bûcak Bi Giramî Bi Bîr Tînin
Sekreterê Giştî yê PDK-Tyê, welatperwerê Kurd , rêberekî dilsoz û kedkarê doza azadîyê Faîk Bûcak, 52 sal berê, di roja 05.07.1966an de ji alîyê hêzên tarî yên dijminên azadîya Kurdistanê ve bi êrîşeke çekdarî hete şehîd kirin.
Em di têkoşîna azadî û serxwebûna Kurdistanê de rehmetî Faîk Bûcak û hemû şehîdên Kurdistanê bi giramî bi bîr tînin. 05.07.2018
Buroya Çapemenî û Ragehandinê ya PAKê( Partîya Azadîya Kurdistanê)
C.B
