Silêmaniyê bo vekirina esmanê Tirkiyê diçe Bexdayê
Şandek ji Parêzgariya Silêmaniyê bo vekirina geştên esmanî yên di navbera firokxaneya Silêmaniyê û Tirkiyê de, serdana Bexdayê dike.
K24 – Navenda Nûçeyan
Şandek ji Parêzgariya Silêmaniyê bo vekirina geştên esmanî yên di navbera firokxaneya Silêmaniyê û Tirkiyê de, serdana Bexdayê dike.
Parêzgarê Silêmaniyê Heval Ebûbekir di konferansekê rejnamevaniyê de ragihand, îro şandeke wê parêzgariyê sedana Bexdayê dike, bi armanca dîtina çareseriyekê ji pirsgirêka firokxaneya Silêmaniyê û vekirina geştên esmanî yên di navbera wê firokxaneyê û firokxaneyên Tirkiyê de.
Parêzgarê Silêmaniyê amaje bi wê jî da, di wê serdanê de û bo guftûgokirina wê pirsgirêkê, ligel berpirsên Iraq û Tirkiyê dicivin.
Piştî birêvebirina referandûma serxwebûna Kurdistanê, Tirkiyê geştên esmanî bo Herêma Kurdistanê rawestand, berî demekê bo firokxaneya Hewlêrê vekir, lê ji ber bihaneyên ku YNK û Tevgera Goranê hevkariyê bi PKKê re dikin, geştên esmanî bo firokxaneya Silêmaniyê venekiriye.
S. B
