YNK beşdariyê di rêûresma sûndxwarina Serokê Herêma Kurdistanê de dike
Piştî bidawîhatina civîna Polîtburoya YNKê, peyvdarê wê partiyê aşkere kir, sibe şandeke YNKê ya bilind dê beşdarî rêûresma sûndxwarina Serokê Herêma Kurdistanê bibe.
K24 – Navenda Nûçeyan
Piştî bidawîhatina civîna Polîtburoya YNKê, peyvdarê wê partiyê aşkere kir, sibe şandeke YNKê ya bilind dê beşdarî rêûresma sûndxwarina Serokê Herêma Kurdistanê bibe.
Peyvdarê Fermî yê Yekîtiya Niştimanî ya Kurdistanê (YNK) Letîf Şêx Omer ji K24ê re ragihand, sibe şandeke YNKê ya bilind bi serokatiya Cîgirê Sekreterê Giştî Kusret Resûl û endametiya Erselan Bayîz, Hakim Qadir, Omer Fetah li ser vexwandina fermî ya PDKê beşdarî rêûresma sûndxwarina Serokê Herêma Kurdistanê dibe.
Peyvdarî YNKê aşkere kir, firaksiyona YNKê di Parlemantoya Kurdistanê de beşdarî rêûresma sûndxwarina Serokê Herêma Kurdistanê nabe.
Biryar e sibe 10ê Hezîranê Parlemantoya Kurdistanê bicive û di wê civînê de rêûresma sûndxwarina Nêçîrvan Barzanî wek Serokê Herêma Kurdistanê tê kirin.
Ji bo beşdariya di sûndxwarina Serokê Herêma Kurdistanê ji aliyê komîteke taybet ve vexwandin ji her sê serokatiyên Iraqê û serokên firaksiyonên Parlemantoya Iraqê û nûner û balyozên welatên biyanî yên li Iraqê re hatine şandin.
S. B
