Herêma Kurdistanê rênimayên nû derdixe

K24- Hewlêr

Wezîrê navxwe yê Herêma Kurdistanê, Rêber Ehmed di konfiranseka rojnamevanîya hevpişk de li gel wezîrê tenduristîya Herêma Kurdistan, Saman Berzincî, ragehand, hewil didîn sûbe rênamyên nû derbixîn û got jî, derîyên Herêma Kurdistanê li rûyê bajarên din yên Îraqê nehatîne daxistin.

Di konfirasnê de, Rêber Ehmed got: Derbarê xalên sinûrç heya radeyekê baş hatîne kontirolkirin, lê hinek xalên qaçax hene, ku cihê daxêye, hinek hevwelatî bi wan xalan re vegerîyane û hinek jî, bi derîyên sinûrîyên başûra Îraqê vegerîyane û dûv re jî hatîne Herêma Kurdistanê.

Got jî, hinek ji wan hevwelatîyan bi xwe hatîne û xwe dayîne nasîn û di Korentîne de ne. ewên bi rêyên qaçax jî vegerîane bi hevkarya hêzên ewlekarîyê û dezgehên tenduristîyê hatîne nasîn û ew jî me xistîne di korentînê de.

Wezîrê navxwe daxwaz ji wan hevwelatîyan kir, ewên serdana Îranê yan welatên di lîsta Vayrosa Koronayê de ne kirine, ji bo tenduristîya xwe û malbatên xwe û hemû xelkên Kurdistanê xwe bidin nasandin bi dezgehên taybet bi berengarbûna Koronayê.

Derbarê daxistina derîyên Herêma Kurdistanê li rûyê hevwelatîyên parêzgehên din yên Îraqê got: Derîyên Herêmê nehatîne daxistin, tenê hinek rêkar hatîne encamdan daku hatinûçûn li wan derîyan bihên sinûrdarkirin.

Derbarê lîsta navên wan 500 kesên bi qaçax ji Îranê vegerîyane Herêmî, got:  Bo sedema wê yekê ku ew zanyarî gelek hûr û rast bûn,  em şîyayîn piranîya wan vebînîn û  hinekan jî wan bi xwe, xwe dane nasîn.

Her di evê çarçoveyê de, Saman Berzincî, wezîrê tenduristîyê derbarê derbarê korentînekikirina hevwelatîyan aşkera kir, ew pirose gelek serkevtî bûye, û korentînekirin jî bi taybet bo berjewendîya  hevwelatî bi xwe û tendûristata tevaya hevwelatîyên Herêma Kurdistanê ye û hejmareka kêm ji wan mane  ku vegerin.