Dezgeha Xêrxwazîya Barzanî pêdawîstîyên 15 rojan bo rûnişvanên Sêbîran dîbîn dike
Dezgeha Xêrxwazîya Barzanî xwarin û pêdawîstîyên 15 rojan bo rûnişvanên komelgeha Sêbîran dabîn dike, ku ew Komelgeh, dema sê rojane bi sedema tomarkirina çend haletên tûşbûnê bi Vayrosa Koronayê di Korentînyê de ne.
K24- Hewlêr
Dezgeha Xêrxwazîya Barzanî xwarin û pêdawîstîyên 15 rojan bo rûnişvanên komelgeha Sêbîran dabîn dike, ku ew Komelgeh, dema sê rojane bi sedema tomarkirina çend haletên tûşbûnê bi Vayrosa Koronayê di Korentînyê de ne.
Ev rêkxistî tekez dike, ku dabînkirin û helmeta dabeşkirina xorak û xwarinê berdewam dibe heya ev rewş bi dawî dibe.
Di wê komelgehê de, bi berdewamî tîmên tenduristîyê pişkinînan bo hevwelatîyan dikin, di beranber de, ji alîyên xwe ve, hêzên Polîs û asayîşê hewil didin rewşê kontirol bikin û rê li pêşîya zêde belvbûna wê Vayrosê li Sêbîran bigirin.
Komelgeha Sêbîran 9 kîlometran ji Hewlêr dûre û 1500 mal têde hene. Hejmara rûnişvanên wê nêzîkî 5300 kesan e. Niha sê roj derbaz dibin bi korentînekirina xelkên Sêbîran û heya radeyeke baş hêzên ewlekarîyê rewş kontirol kirine û tîmên tenduristîyê jî berdewam in li geryan û pişknînê bo vedîtina kesên gumalêkirîyên helgirên Vayrosê.